Read Hakha Chin JOB 14 Bible Online

JOB 14 - Hakha Chin bible

JOB 14

¹“Nu hrinmi minung paoh cu a chan a tawi i harnak in a khat.

²Pangpar bangin a hung par i a uai òhan ko; Thladem bangin a tli i aa peh lo.

³Cu bantuk mi cungah cun maw na mit na chiah i nangmah he biaceihnak ah na luhpi?

⁴Cu bantukin a thiang lomi minung chung cun a thiangmi zeihmanh a chuak kho bal lai lo.

⁵A ni hna cu relpiak an si i A thla hna cu zeizat an si kha nangmah nih na hngalh; Nangmah nih a lonh khawh lomi ramri kha na serpiak.

⁶Amah cu mertak ko law amah um tein umter ko, Kuli òuanmi bantukin a ni hna cu aa nuamhpi khawh ah i nuamhpi ko seh.

⁷“Thing caah cun ruahchannak a um, Hau a si hmanh ah, a corh òhan lai i a nge hna cu an dong lai lo.

⁸Vawlei chungah a hram cu tar in vawlei ah a hmui cu thi hmanh seh law,

⁹Ti rim a theih cangka a corh òhan lai i thing langno bantukin a nge an borh òhan ko lai.

¹⁰Sihmanhsehlaw minung cu a thi i an vui, Mi nih cun a thaw hmanung bik a chuah i khuazei ah dah a um ti.

¹¹Ti cu tili chungin a kao bantuk le tiva cu a reu i a car bantukin,

¹²Minung cu a it i a tho òhan ti lo, Van hna khi an um ti lo hlan lo cu aa òhang lai lo.[1] Mi cu a thih ahcun a nung òhan kho lai maw? Aa hngilhnak in aa hlau bal ti lai lo.

¹³Pathian, Sheol ah khin ka thup law ka duh; Na thinhunnak a daih tiangin ka thup tuah, Khika ah cu tiangin na um lai tiah caan ka khiahpiak law Cun ka hngal òhan te tuah!

¹⁴Cucaah ka rian cu zeitluk in a sau hmanh ah ka lung a dong lai lo i Ka luatnak ding cu ka rak hngah òhiuòheo ko lai.

¹⁵Na ka auh lai i kan leh lai, na kut tuahmi thil cu, hmuh na ka duh lai.

¹⁶Khi tikah ka kekar cu na rel hna lai i Ka sualnak cu na ngia peng ti lai lo;

¹⁷Ka phungbuarnak cu zal chungah khumh an si lai i Ka òhat lonak cu nangmah nih na khuh hna lai.

¹⁸“Sihmanhsehlaw tlang cu an cim i an ril dih, Lungpi cu a umnak hmun khan òhial a si;

¹⁹Ti nih lung cu an ziah hna i vawlei òha cu tihrang nih a fenh hna, Cu bantuk cun minung ruahchannak cu na hrawh.

²⁰Amah cu a zungzal in na tei i a lo dai ko; A muihmai kha na thlen i na kalter diam.

²¹A fapa hna nih upatnak an hun hmu, asinain a hngal lo; Annih cu òhumh an rung si, sihmanhsehlaw a hngal hlei lo.

²²Amah pum fahnak lawng kha aa hngal i amah lawng kha aa òah ko,” tiah a ti.