Read Hakha Chin JOB 15 Bible Online

JOB 15 - Hakha Chin bible

JOB 15

¹Cun Teman mi Elifaz nih a leh i:

²“Thli lawng a khatmi fimnak in maw mifim nih a leh awk a si hnga? Nichuahlei thli in maw aa khahter ko lai?

³A òhahnem lomi bia le santlai lomi bia alnak kha maw a lehhlum lengmang ko lai?

⁴Mi cu Pathian òih kha na thlauh i a sin i thlacam kha na dawnh.

⁵Na òhat lonak nih na chimmi bia hi an chimter i Hlennak hi naa thimmi holh a si.

⁶Keimah nih si loin, nangmah kaa hrimhrim nih nangmah cu sual an phawt, Nangmah hmur hrimhrim nih an mawhchiat.

⁷“Nangmah hi minung vialte lakah hrin hmasa bikmi na si maw? Asiloah, tlang hna an sem hlanah hin dah na chuah?

⁸Pathian pumhnak chung biathli cu na thei bal maw? Nangmah lawng hi maw minung fimnak a ngeimi cu na si?

⁹Kan hngalh lomi zeidah na hngalh? Kan fian lomi zeidah na fian hlei?

¹⁰Òuakparmi hna le tar hna cu kan sinah an um, Na pa nakin a upa deuhmi an si.

¹¹Pathian nih an hnemhnak bia, na sinah nem tein chimmi cu naa za lo maw?

¹²Zei nih dah cu tluk lawmmam in na ral an òhatter i Na mit au na kan renghhnawh len ko?

¹³Zei nih dah na thinhunnak kha Pathian cungah an chuahnawhter i Cu bantuk bia hna cu na kaa in na chuahter len hna?

¹⁴Minung cu zeidah a si i a thian khawh lai cu? Nu hrinmi fa cu zeidah a si i a din khawh lai cu?

¹⁵Pathian nih a mithiang hna hmanh kha a zum hna lo i Van hna hmanh kha a hmaiah suallo an si lo ahcun,

¹⁶Zeitindah fihnung a si i a thu a man i òhat lonak cu ti bangin a dingmi minung chinchin cu, a si khawh lai?

¹⁷“Kan hmuhsak lai, ka ngai hmanh, ka hmuhmi thil cu kan chimh lai;

¹⁸(Mifim mi nih an rak chimmi, an upa hna nih thup lo tein an rak chimhmi hna biatak cu kan chimh lai.

¹⁹An ram chungah cun ramdangmi an rak um lo i Pathian sinin a tlautertu hna zong an rak um lo).

²⁰Mi a rial lengmangmi miòhalo cu a nun chung paohpaoh ah harnak a tong zungzal ko lai.

²¹Òihnak thawng kha a hna chungah an au lai i Him tein ka um tiah aa ruah lioah, mifir nih an chuahhnawh lai.

²²Muihnak chungin luatnak ding ruahchannak a um lo, Amah cu vainam nih khan hmun khatkhat in a orh peng ko.

²³Langta hna rawl caah hlonh a si i, Cu bantuk mi nih cun, ka rawhnak ding kha a fiang, tiah a hngalh.

²⁴Chikkhatte ah muihnak ni nih cun a tlun hnawh i Harnak le lungretheihnak nih a òhawngmi siangpahrang bantukin amah cu tuk awkah an bawh ko.

²⁵Amah nih cun Pathian kha a kuttum a chuahhnawh i Lianngan Bik cu zeirello in a um;

²⁶A lu aa khun riangmang i a phaw laipawng chahpi he cun a zuanhnawh.

²⁷Amah cu khuapi kha a latu hna le A ngeitu nih an tliktak cangmi inn a tlaitu kha a si,

²⁸Sihmanhsehlaw cu khua hna le inn hna cu ral nih a hrawh òhiamòhiam hna lai.

²⁹Sau a rum lai lo i a chawva nih sau an nguh lai lo, Vawlei chung zongah hram a thla lai lo;

³⁰Muihnak in a luat lai lo i meizik nih a nge kha a hrem dih hna lai i Thli nih a par kha a choih dih hna lai.

³¹A rian a nganmi kha i bochan in amah le amah i hleng hlah seh, Zeicahtiah a rianòuanmi cu pakpalawng ah a cang lai.

³²A ungkung hna cu a caan lopi ah an uai lai i a nge hna cu an hring lai lo.

³³An hmin hlanah a thei a òhilmi mitsur ruang bantuk a si lai i A par a thlongmi oliv kung bantuk a si lai.

³⁴Zeicahtiah Pathian zei ah a rel lomi hna cu an dihlak in an car i Ziknawhmi thil in an sakmi an inn cu mei nih a kangh hna lai;

³⁵Mi òhat lonak ding kha fapawi in an i pawi i òhat lonak kha an hrin, An paw chungin a chuakmi fa cu hlennak kha a si,” tiah a ti.