Read Hakha Chin JOB 18 Bible Online

JOB 18 - Hakha Chin bible

JOB 18

¹Cun Shuh mi Bildad nih a leh i:

²“Zei can dah bia cu na kawl rih lai? Ruat hmanh law kannih nih kan chim lai.

³Zeicahdah kannih cu saòil bantuk ah na kan rel? Zeicahdah kannih cu a hrutmi saram bantuk ah na kan hmuh?

⁴Nangmah nih cun, keimah hi ka hmaan, na ti; Hi na timi hi ahmaan taktak ti nakding caah, Vawlei hi chuahtak dih i lung hna hi an umnak hmun in òhial dih maw a herh lai?

⁵“Sihlah, a ceunak hmih a simi cu miòhalo a si i A mei cun meizik a chuak òhan ti lai lo.

⁶A thlam chungah ceunak cu a mui i a chung i a meiinn cu a mit.

⁷A kehlan cu a rak fek, sihmanhsehlaw atu cu a ther, Amah khuakhannak lila nih khan a thluk;

⁸Sur chungah khan a lut i tlung kha aa lamh.

⁹Rap nih a kedil in a foih i a val nih khan fek tein a hren.

¹⁰Vawlei ah hri kha an valhhnawh, lam ah rap kha an chiahhnawh.

¹¹Òihnak nih a kenkip in an chuahhnawh i a hnulei in an dawi lengmang.

¹²A rak òhawng ngaingai nain, atu cu òihnak in a zeng ko. A pawng in vanchiatnak nih a dirhnawh ko.

¹³Zawtnak òha lo nih a pum cu a zual dih i a kutke hna cu an thu dih.

¹⁴A inn chung i him tein a umnak hmun khan an hnuh i Thihnak Siangpahrang òihnung hmaiah khan an chuahpi.

¹⁵A innchung ah khan zeihmanh a tang ti lo. A umnak ah khan kaat a phulh.

¹⁶A hram cu tanglei ah a car i an nge cu cunglei ah a ro;

¹⁷Amah hngalh camcinnak kha vawlei in a lo i vawlei cungah min a chia ta lo.

¹⁸Amah cu ceunak in muihnak ah nam a si i minung umnak vawlei cungin dawi a si.

¹⁹A mi hna lakah tefa siseh, ciruang siseh, a ngei hna lo; A rak umnak tawn vawlei ah khan a nung in a rohmi an um lo.

²⁰Nitlaklei mi hna nih a kong an theih tikah an tuk a sum i Nichuahlei mi hna cu an thlakawk a bar hna.

²¹Òhat lonak a tuahmi hna khuasaknak hmun cu cu bantuk cu a si i Pathian zei ah a rel lomi hna umnak hmun cu mah bantuk cu a si,” tiah a ti.