Read Hakha Chin JOB 21 Bible Online

JOB 21 - Hakha Chin bible

JOB 21

¹Cun Job nih a leh i:

²“Ka bia hi òha tein ka ngaihpiak hna u law, Mah cucu nannih nih nan ka hnemhnak cu si seh.

³Hong ka ing ko u law ka chim lai, Cun ka chim dih hnuah, nan duh ahcun nan ka nihsawh te lai.

⁴Kei cu ka phunzainak hi minung cungah maw a si? Zeicahdah thintawi loin ka um lai?

⁵Ka zoh u law nan khuaruah har u, nan kaa kha nan kut in i hup u.

⁶Ka cung i a tlungmi hi ka ruah tikah ka lung a dong i ka tha a ther,

⁷Zeicahdah miòhalo hi an chan a sau i an tar zongah an ngan a dam, an lian an ngan i an òhawn?

⁸An tefa hna cu innlo fek in an um kha an hmuh hna i An hrinsor hna cu an mithmuh ah an òhangcho.

⁹An innchungkhar hna cu fek òhepòhup le him tein khua an sa i Pathian dinnak òhiangòhunh nih cun a phan hna lo.

¹⁰An cawtum nih lak loin ci an thlak hna i An cawpi nih fa an hrin hna i an hrulh bal lo.

¹¹An ngakchia tete cu tuurun bangin an chuak i an lam.

¹²Tingtang le thonglawi tum in hla an sa i lawi aw ah cun an i lawm.

¹³Rumnak in an chan cu an hman i daihnak in Sheol ah cun an vung kal.

¹⁴Pathian sinah cun, ‘Kan sinin i òhen ko, na lam hngalh kha kan duh lo,’ an ti.

¹⁵Lianngan Bik cu an i thawh i, ‘Ahodah na si i na rian kan òuan hnga cu? Na sin i thla kan cam ah zei miaknak dah kan hmuh?’ an ti.

¹⁶Annih nih, kanmah thazang tein kan hlawh a tling, an ti, Sihmanhsehlaw annih ruahning cu ka cohlang kho lo.

¹⁷“Miòhalo cu a mei a mit bal maw? Vanchiatnak an tong bal maw?

¹⁸Pathian nih a thinhun in miòhalo cu dan a tat hna in, thlitu nih a choihmi capawl le thlichia nih a choihmi leidip bantuk ah a ser bal hna maw?

¹⁹Nannih nih cun, ‘An pale òhat lo ruangah Pathian nih an fale cu dan a tat hna,’ nan ti, Sihmanhsehlaw kei nih cun, ‘A sualmi cu Pathian nih anmahte kha dantat ko hna seh law, cucu an sual caah a si, ti kha langhter ko seh,’ ka ti.

²⁰An rawhnak cu anmah mit hrimhrim nih hmu seh law Lianngan Bik thinlinhnak cu anmah nih ding hrim ko hna seh.

²¹Minung cu a nunnak a dongh tikah cun, a fale an run i lawmh le lawmh lo cu zei ah a rel taktak ti hnga maw?

²²Vancung i a ummi hna hmanh bia a ceihtu Pathian cu, Aho tal nih dah an cawnpiak khawh hnga?

²³“Mi pakhat cu a rum saling ah, i nuam ngai le hnangam ngaiin a um lioah,

²⁴A pum cu thau in a khah i a ruh chung thlek hna cu an hnin lioah a thi.

²⁵Cun a dang pakhat cu, ngaihchia ngaiin, òhatnak kha tep bal loin a thi.

²⁶Leidip chungah bangrep in an it i cangcel nih an khuh hna.

²⁷“Na ruahmi le zeitindah a bia cu ka al khawh lai tiin bia alnak ding na timh cuahmahmi cu ka hngalh ko.

²⁸‘Atu hi minganpa inn kha khuazei ah dah a si? Miòhalopa inn kha tah zeidah a can cang hnga?’ tiin bia na ka hal lai cu ka hngalh ko.

²⁹Khualtlawngmi kha na hal bal hna lo maw? Annih nih an chimmi kha na hngal lo maw?

³⁰Pathian cu a thin a hun i mi kha dan a tat hna tikah, a luatmi cu miòhalo òheo an si ko.

³¹Miòhalopa cu, aho nih hmaitonh in, na òha lo, an ti lo i a tuahmi kha aho nih an lehrul lo.

³²Thlan i zawnh a si tikah, Mi tampi nih a hnulei he a hmailei he an zulh; Leidip kha a caah cun a thlum i Mi thong tampi nih a thlan cu an ven.

³⁴Cucaah hnemhnak nan ka chimhmi hi, zeitluk in dah pakpalawng a si? Nan chimmi hi lih lawngte an si!” tiah a ti.