Read Hakha Chin JOB 22 Bible Online

JOB 22 - Hakha Chin bible

JOB 22

¹Cun Teman mi Elifaz nih a leh i:

²“Minung hi Pathian caah san a tlai khomi an um hnga maw? A fimmi hmanh hi Pathian ca i san a tlaimi an um hnga maw?

³Na din ah, na dinnak nih cun Lianngan Bik cu zeital a bawm maw? Na ziaza cu soi awk um lo a si ah tah, cu nih cun zeital a òhathnem maw?

⁴Ka din caah a ka chimhhrin rua tiah i ruat hlah, Hi ruangah hin a ka hneksak rua ti zongah i ruat hlah.

⁵Nangmah cu miòhalo ngai na si i na sualnak hi dongh a hngalh lo.

⁶Na unau nih an cawimi tangka ruangah khan a puan kha na chuh i aih awk zeihmanh ngei loin na chiah.

⁷Tha baami kha din awkah ti na pe hna lo i rawl òammi kha rawl na sianh hna lo.

⁸Cucaah vawlei hi miòhawng mi hna ta lawng maw a si? Hmaizahmi mi tlawmte hna ram lawng dah a si?

⁹Nuhmei cu kutro in na kalter hna i Ngakòah hna cu chanhtu ngei loin na tuk hna.

¹⁰Cucaah na velchum in rap a um i òihnak nih an tlunhnawh cu khuaruahhar awk a si lo.

¹¹Ceunak cu mui ah canter a si i cucaah khua na hmu kho lo, tilian nih an khuh.

¹²“Pathian cu van ah khin a sannak bik ah a um a si lo maw? A sang bik arfi hmanh khi chuk zoh in a vun zoh hna.

¹³Sihmanhsehlaw nang nih cun naa thawh i, ‘Pathian nih zeidah a hngalh? Muihnak nih a tuam i biaceih khawhnak ah khua a hmu kho lai lo;

¹⁴A chahmi khuadawm cu a mit nih a hlan kho hna lo i Van kuai cungah khin a kenkip ah aa chawk len ko,’ na ti.

¹⁵Miòhalo hna nih an zulhmi lam kha ruat hmanh,

¹⁶An caan a tlin hlanah lak an si i an hram cu tilian nih a fenh hna.

¹⁷Hi hna nih hin Pathian cu an thawh i, ‘Kanmah tein um ko u sih, Lianngan Bik nih cun kan cungah zeidah a tuah khawh lai?’ an ti.

¹⁸Asinain, an inn hna cu thil òhaòha in a khahtertu cu amah a si Annih i an i tinhmi le anih i aa tinhmi cu an i dang ngaingai.

¹⁹Miòhalo mi hna cu dantat an si tikah Miding mi hna cu an i lawm i a sual lomi hna cu an ni.

²⁰An ngeihmi thil vialte cu an rawk dih i An chawva vialte hna cu mei nih a kangh dih hna.

²¹“Atu cu, Job, Pathian he khan remnak ser law, na ral ah rel ti hlah law thluachuahnak na hmuh lai.

²²Cawnpiaknak kha a ka in i lak law a bia cu na lung chungah i khon hna.

²³Lianngan Bik sinah na kir òhan i na lung na òhumh i Na inn chungin dinlonak kha na dawi i

²⁴Sui kha leidip bantuk ah na rel i Ofir sui kha tiva lung tekem bantuk ah na rel ahcun,

²⁵Lianngan Bik hrimhrim cu na sui a si lai i Amah cu a chonh in aa chonhmi na ngun a si lai.

²⁶Khi tikah Lianngan Bik cu naa bochan zungzal lai i Amah cu naa lawmhnak a hram a si kha na hngalh lai.

²⁷A sinah thla na cam lai i an theih lai; Cun na biahrennak kha na tlinter hna lai.

²⁸Ka tuah lai, tiah na timi paoh ah na hlawh a tling lai i Na lam ah ceunak a tlang lai;

²⁹Zeicahtiah Pathian nih aa porhlawmi kha a òhumh hna i toidormi kha a khamh hna.

³⁰Zeihmanh a sual lomi kha a chuah hna, Na kut a thian caah nangmah zong an chuah lai,” tiah a ti.