Read Hakha Chin JOB 24 Bible Online

JOB 24 - Hakha Chin bible

JOB 24

¹Zeicahdah Lianngan Bik nih biaceih caan cu a khiah lo i amah a rianòuantu hna caah dinnak in biaceih ni kha a chiah lo?

²Miòhalo nih ramri lung kha an òhial i tuu kha an fir hna i anmah tuurun chungah an fonh hna.

³Ngakòah kha an laa an chuh hna i nuhmei kha an leiba a cham hlantiang an cawtum kha an hren.

⁴Sifakmi kha lamthlang ah an en hna, mirethei kha an zam i an i thup.

⁵Cucaah misifak cu thetse ram ah rawl kawl in a vak lengmangmi laa bantukin tuan tein a tho, Sihmanhsehlaw khuamuih tiang a òuan nain a fale cu rawl òam in an um ko.

⁶Anmah ta a si lomi lo ah khan rawl an òuan i Miòhalopa dum chungah khan mitsur thei lawh rian an òuan.

⁷Zan khuadei taklawng in puan loin an it, Khuasik ah vorh awk puan an ngei lo.

⁸Tlang cung ruah nih a surh hna i an cin dih, Dornak a um lo caah lungpi ah an i bek.

⁹Ngakòah kha miòhalo nih sal ah an ser hna i Misifakpa a fa kha a leiba caah an tlaihpiak.

¹⁰Pumlawng in, puan loin, rianòuannak ah an kal, Rawlòam in faphal kha an thiar;

¹¹Miòhalo mi hna oliv kung tlar lakah khan oliv chiti an sur, Mitsur cu an nen, sihmanhsehlaw an ti a hal.

¹²A thi cuahmahmi hna cu khuapi chungin an hrum an ai i Hliammi hna cu bawmhnak hal in an au; Sihmanhsehlaw Pathian nih an thlacamnak cu zeihmanh ah a relpiak hna lo.

¹³Chun ceunak kha a doh i a lam kha a hngal lo i Ceunak lam ah khan a um duh lomi an um.

¹⁴Lainawng cu sifak le retheimi kha thah awkah ceu hlan in a tho;

¹⁵Mi nupi a sualtu nih cun khuamuih kha aa caan i, ‘Aho nih an ka hmu lo,’ tiah a ruah.

¹⁶Zan ah mifir cu a vak i a hmai cu hlennak in aa khuh, Chun i aa chingchiah ciami inn kha zan ah cun a bauh hna. An dihlak in ceunak a hngal lomi an si,

¹⁷A muimi zan cu an caah zingka a si, Zeicahtiah annih cu a thukmi muihnak hawikom kha an si.

¹⁸“Cu bantuk mi hna cu ti cung i buanbara bantuk an si; An comi hmun cu chiatserhmi hmun a si i an mitsur lo ah ahohmanh an kal duh lo.

¹⁹Carnak le linhnak nih hawhra ti cu an kaoter hna, Cu bantukin a sualmi cungah Sheol nih a tuah ve.

²⁰Ahohmanh nih amah cu an hngal ti lo, a nu hmanh nih a hngal ti lo; Tholung nih an ei i a rawk dih cikcek.

²¹Zeicahdah hi bantukin a si ti ahcun, nuhmei kha a bawm duh hna lo i fahring lo nu kha a zaangfah hna lo caah a si.

²²Sihmanhsehlaw Pathian nih a òhawnnak in a òhawngmi kha a thah hna i Pathian nih a òuan tikah cun miòhalo mi cu an thi.

²³Pathian nih him tein khua a sakter ko hna, Sihmanhsehlaw òha tein a ngiat zungzal hna.

²⁴Caan tawite chung miòhalo cu hlorh an hung si, sihmanhsehlaw an lo zau; Pangpar bantukin an car i an ziam; rawl vui bantukin hleh an si.

²⁵Mah hihi a si lo, tiah a ti khotu aho tal an um maw? Ka bia cu ahmaan lo, tiah a ti khotu an um maw?” tiah a ti.