Read Hakha Chin JOB 3 Bible Online

JOB 3 - Hakha Chin bible

JOB 3

¹Hi hnuah hin Job nih a ka a pau i a chuah ni kha chiat a serh.

²Cun Job nih aa thawh i,

³“Ka chuah ni cu rawkral ko seh, ‘Fapa cu pawi a si cang,’ an ti zan zong kha, rawkral ko seh.

⁴Kha ni kha muihnak si ko seh! Cung um Pathian nih kawl hlah seh, Ceunak zong nih ceuh hlah seh.

⁵Muihnak le muih khemkhumnak nih kan ta a si, ti hna seh. Minmei nih zel camcin seh law chunmui nih òhih seh.

⁶Kha zan kha § a chahmi muihnak nih tlai seh! Kum chung lawmhnak ni hna lakah i tel hlah seh, Thla relnak zongah i tel hlah seh.

⁷Kha zan kha zan òhing si ko seh; Lawmhnak thawng zeihmanh leng hlah seh.

⁸Kha ni kha eihthiammi hna nih chiatserh hna seh, Limkeng, a òhanghter khomi hna nih khan chiat cu serh hna seh.

⁹Kha zan i zinglei arfi hna cu mui hna seh, Ceunak kha i ruahchan awk zeihmanh um hlah seh.

¹⁰Ngaihchiatnak le harnak a ka phakter caah A ka chuahtertu zan kha chiatserh si ko seh.

¹¹Zeicahdah ka chuah ah khan ka rak thih ko lo? Paw chungin ka chuah ah khan ka thaw a rak dongh ko lo?

¹²Zeicahdah phei cungah an rak ka pom i Ka dawp awkah hnuk an rak ka hmuah?

¹³Kha lioah khan rak thi ning law, atu cu kaa din diam cang hnga.

¹⁴Hlanlio siangpahrang inn hna a remh òhantu siangpahrang hna le bawi hna bang khan kaa hngilh diam cang hnga.

¹⁵Cun an inn sui le ngun in a khahtertu bawi hna sinah khan ka hei i din diam cang ko hnga.

¹⁶Zeicahdah thla tling loin a chuakmi ngakchia bantuk le Ceunak a hmu bal lomi bawhte bantukin ka rak loh ko lo?

¹⁷Khika ah cun miòhalo hna nih harnak tuah an ngol i Retheimi hna cu an i din.

¹⁸Khika ah cun thongtla hmanh nih dinhnak an hmuh i Rianòuan a hnektu hna aw kha an thei ti lo.

¹⁹Khika ah mihme mingan an um òi i sal cu a bawipa sinin a luat cang.

²⁰“Harnak chungah a um i a lung chungin a ngaih a chiami,

²¹Thihnak a duh nain a hmu kho lo i Thuhmi chawhlawn nakin thihnak co a duh deuhtu hna,

²²Thlan an hmuh tik i aa lawm hringhran i a tha a nuammi hna cu, Zeicahdah ceunak pek an si ee?

²³Pathian nih a velchum in a hren i a lam a pitmipa sinah cun Zeicahdah ceunak cu pek a si ee?

²⁴Ka aihramnak cu ka rawl a si i Ka hrum-ainak cu ti luan in a luang.

²⁵Ka phanmi thil cu ka cungah an tlung dih i Ka òihmi thil nih an ka tlunhnawh.

²⁶Ka thabat a dam lo i dai tein ka um kho hlei lo; Dinh ka hmu lo, harnak a dong lo,” tiah a ti.