Read Hakha Chin JOB 30 Bible Online

JOB 30 - Hakha Chin bible

JOB 30

¹“Sihmanhsehlaw atu cu keimah nakin a no deuhmi hna nih cawhdeh awkah an ka nih, An pale hna cu ka tuurun cawngtu uico hna tluk fang i ka rak relmi an hei si ko òung hnga.

²Annih cu an tha a òum cang caah a òhawngmi an baan cu ka caah zeidah an òhathnem?

³Rawlòam in der fialfual in thetse ram i thinghram kha an teuh;

⁴Rawl caah cite kung le hlingkung hnah kha an òawh hna i hmunphiah kung hram kha an cawh hna.

⁵Minung sinin dawi an si i mifir bantukin auhnawh an si;

⁶Horkuang chung le vawlei kua chung le lungpang kua chungah khua an sa.

⁷Saram bantukin burbuk chungah an ai i hlingbur toiah an i pum,

⁸Zeiruaramlo tefa rual, minung sinin òhawlmi an si.

⁹“Sihmanhsehlaw atu cu hi hna hi hla a ka sakhnawhtu kha an si cang i Khua chung i mi kip ceihmi i a ka sertu cu an si.

¹⁰An ka huat i an ka hrial, ka hmaiah cil hmanh an ka chak ngam.

¹¹Pathian nih ka liza cu a dorh i a ka òhumh caah, Ka hmai i an i sum tawnnak kha an hlonh cang.

¹²Ka orhlei kam in a bu in an ka nam cutmat, Raltuknak chuntlung an ka serhnawh,

¹³Keimah hrawh awkah ka ralhau kha an chimh hna i dawntu zeihmanh um loin an ka kaihnawh.

¹⁴A awnnakpi cun an rung lut i a ril in an rung ril lulhmalh.

¹⁵Òihnung nih khan an ka tlunhnawh chin luaimai i Kaa ruahchihmi kha thlitu choih bangin a choi i Teinak kaa ruahchanmi cu minmei bangin a òian.

¹⁶Cucaah ka si a vang i ni fate in harnak nih a ka tlaih.

¹⁷Zan ah fahnak nih ka ruh a ka òam i a ka teuhtu fahnak kha dinh a hngal lo.

¹⁸Ka puan in fak piin a ka tlaih i ka angki hngawng in thaw chuah kho loin a ka reh.

¹⁹Pathian hrimhrim nih nawncek chungah a ka hlonh i leidip le vutcam bantuk ah ka cang.

²⁰“Nangmah cu kan auh i na ka let lo, Zaangfah hal awkah kan dirhnawh i, zeihmanh ah na ka rel fawn lo.

²¹Ka cung i harnak tuah awkah na ka merhnawh i Huatnak in ka cung i harnak tuah awkah na ka zulh lengmang;

²²Na ka tlaih i thlitu lakah na ka òhutter i Thlichia nih heh tiah a ka den.

²³Minung a simi paohpaoh ca i na chiahmi hmun, thihnak ah cun na ka kalter lai ti kha ka hngalh.

²⁴Sihmanhsehlaw a kut a zaomi awkhlawh ka bawmh lomi hna an um lo.

²⁵Harnak a tongmi hna caah khan ka òap tawn lo maw? Sifakmi caah khan ka ngaih a chia tawn lo maw?

²⁶Sihmanhsehlaw òhatnak ka kawl tikah chiatnak a ra, Ceunak ka hngah tikah muihnak tu a ra.

²⁷Ka thin hi a vamh in aa vam i a dai ziar bal lo; Harnak ni hna cu keimah ton awkah an ra.

²⁸Hnabeidong le hawikom zeihmanh ngei loin kaa chawk ko, Mi zapi pumhnak ah ka dir tikah, bawmhnak hal ceo ah a si ko.

²⁹Ram ui cu ka unau a si ko cang, ostrik va cu ka hawi a si ko cang.

³⁰Ka cuar cu an nak dih i an kok, ka pum cu ni lin nih a ka kangh.

³¹Ka tingtang cu ngaihchiatnak hlasaknak ah an cang i Ka thonglawi cu a òapmi hna aw he aa tlak in tum a si cang.