Read Hakha Chin JOB 33 Bible Online

JOB 33 - Hakha Chin bible

JOB 33

¹“Atu cu Job, ka chimmi hi thei tuah, ka bia vialte hi òha tein ngai tuah hna.

²Zohhmanh, nangmah lehnak cu timh cia in ka um ko; Bia cu ka lei par ah an um ko.

³Hngalh bu tein ka chim kha ka lung nih a hngalh i Ka hmur nih an hngalhmi cu hmaan tein an chim.

⁴Zeicahtiah Pathian thlarau nih a ka ser i Lianngan Bik thaw nih nunnak a ka pek.

⁵Na ka leh khawh ahcun ka let tuah, Ka hmaiah na bia cu a ningcang tein tiang tuah hna; Na dir hmun i serh tuah.

⁶Pathian mithmuh ahcun, kei zong nangmah bantukte ka si ko; Tlak pei khat ceo ka si ve ko.

⁷Na ka òihnak nih na thin an phanter awk a herh lai lo, Ka kut nih an nenhnak zong na cung i a rih awk a herh lai lo.

⁸Na chim awk hnga vialte cu na chim cang i ka theih cang; Na bia thawng cu ka theih cang hna:

⁹‘Ka thiang, sualpalhnak ka ngei lo, soiselnak ka ngei lo i òhat lonak ka chungah a um lo.

¹⁰Sihmanhsehlaw Pathian nih a palh ah a ka chiah tawn i a ral ah a ka rel;

¹¹Ka ke cu hreng a khenh hna i ka tuahmi vialte cu a ngiat dih hna,’ na ti.

¹²“Zohhmanh, hihi kan lehnak a si lai: Na palh. Pathian cu mi nakin a ngan deuh;

¹³Zeicahdah, ka bia cu zeihmanh a ka let lo, tiin amah cu na mawhchiat len ko?

¹⁴Amah cu a let khomi ahohmanh an um òung lo. Asi, Pathian nih voi khat a chim hnuah cun, cu a chimmi fehter òhannak caah a voi hnihnak a chim òhan ti òung lo.

¹⁵Mang ah, zan i langhnak an hmuhmi ah, Mi cung i mitkuh thu a tlun tikah, An ihkhun cung i an i hngilh hluahmah lioah,

¹⁶Khi tikah mi cu Pathian nih an hna kha a hunpiak hna i Ralrinnak a pekmi hna nih an thin a phanter hna.

¹⁷A thi khomi minung cu aa porhlawtnak kha kham awkah le Khor chung i vung tlak ding khan tlaih awkah le Thihnak tiva tan donh awkah khan Nuncan òhalo i a nunnak khan a merter.

¹⁹Minung cu a ihkhun cung i fahnak a inmi le A ruh chung i fahnak a hmuhmi zongin chimhhrin a si tawn;

²⁰Rawl kha a fih i a mertak i A or nih rawl thaw bikbik hmanh kha a duh hna lo.

²¹A titsa cu uai hnianghnuang in a um i a ruh hna cu an i liklok dih.

²²A thlarau cu Khor a phan dengmang i A nunnak cu thihnak a phortu hna sin kha a phan dengmang.

²³Sihmanhsehlaw amah caah vancungmi pakhat, thong khat lak i pakhat, Pathian le minung karlak i remnak sertu a um i, Minung nih òhatnak a tuahmi kha a langhter i,

²⁴A thi khomi minung cu a co awk hnga kha petu ding a um ahcun, ‘Leet òhan ko, Khor chungah cun vun kalter hlah, A tlanhnak man cu ka hmuh cang,’ a titu a um ahcun,

²⁵Cu pa cu a tlanval lio nakkhan a titsa a òha deuh lai i a òhawn siling te ah khan a kir òhan lai.

²⁶Cun Pathian kha ka zaangfah ko tiah a nawl i Na hmai kha ka hmuhter law lawmhnak in ka au lai, tiah a nawl ahcun,

²⁷Cun mi vialte hmaiah, ‘Ka sual cang, Dinnak kha dinlonak ah ka ser cang i cucu ka rak ruat bal lo,’ a ti ahcun,

²⁸Khor chung i vung kalnak khan aa khamh i a nung i ceunak kha a hmu.

²⁹Hi thil vialte hi Pathian nih minung cungah a tuah lengmang tawn ko,

³⁰Nunnak ceunak tling cu hmuh awkah Khor chungin a chuah òhan tawn hna,” tiah a ti.

³¹“Maw Job, na hna chi tuah, ka bia kha ngai tuah; Dai tein um law ka chim lai.

³²Chim awk zei na ngeih ahcun ka let tuah; Chim tuah, zeicahtiah nangmah kha thiamcoh kan duh.

³³Sihmanhsehlaw chim awk zeihmanh na ngeih lo ahcun ka bia ngai tuah; Dai tein um law, fimnak kan cawnpiak lai,” tiah a ti.