Read Hakha Chin JOB 34 Bible Online

JOB 34 - Hakha Chin bible

JOB 34

¹Cun Elihu nih a bia cu a peh i:

²“Ka bia hi thei tuah u, nannih mifim hna, Nan hna ka chit tuah u, nannih saupi hngalhnak a ngei cangmi hna;

³Dang nih rawl kha a teh bantukin hna nih bia kha an hneksak ve hna.

⁴A dikmi kha kanmah tein i hneksak u sih, A òha taktakmi kha kannih nih i khiak sih.

⁵Zeicahtiah Job nih aa thawh i, ‘Kei cu sualnak ka ngei lo i Pathian nih ka dinnak kha a ka lakpiak;

⁶Ka ding ko nai kei cu lihchim ah rel ka si; Ka hma cu damh khawh ding a si lo, phungbuarnak zeihmanh ka tuah lo nain,’ a ti.

⁷Job bantuk hi mi zeital an um bal maw? Holh dawh lo kha tihal in a haal i

⁸Hawikom òhalo he khual tlawn a duh i miòhalo hna he a kal òi tawnmi kha?

⁹Zeicahtiah amah nih cun aa thawh i, ‘Pathian cung i i lawmh nih hin minung caah zeihmanh òhathnemnak a tuah lo,’ a ti.

¹⁰“Cucaah ka bia thei tuah u, nannih hngalhthiamnak a ngeimi hna, Pathian nih cun òhat lonak a tuah naisai lai lo i Lianngan Bik nih cun palhnak a tuah naisai lai lo.

¹¹Zeicahtiah mi cu an rianòuanning bantukin a lehrulh hna i An ziaza ning bantukin an cungah a tlunter.

¹²Biangai tein, Pathian nih òhat lonak a tuah lo i Lianngan Bik nih dinnak cu a merh lo.

¹³Aho nih dah amah cu vawlei hi na zohkhenh lai tiah nawl an pek i a cungah vawlei pumpi hi an khinh?

¹⁴A thlarau kha amah sinah a kirter òhan i nunnak petu thaw kha sinah a kawh òhan ahcun,

¹⁵Titsa vialte cu hmunkhat ah an rawk dih lai i minung cu leidip ah a kir òhan ko lai.

¹⁶“Cucaah Job, hngalhthiamnak na ngeih zinpan ahcun, mah hi thei tuah; ka chimmi cu ngai tuah.

¹⁷Dinnak a huatu nih cun uktu a si kho bal hnga maw?

¹⁸A ukning a òhat tuk caah, bawi hmanh kha, ‘Santlai lo,’ a ti kho i, Tuavon hmanh kha, ‘Zei òhahnem lo,’ tiah an hmai hrimhrim ah a ti ngam i,

¹⁹Bawi kha a duhdanh hna lo i mirum kha misifak hna nakin a upat hlei lomi siangpahrang cu, Nangmah nih sual na phawt ko maw? Zeicahtiah annih cu an dihlak in Pathian sermi an si,

²⁰Hmakhatte ah zanòim ah a thi khomi an si; A tawngh hna tikah mirum cu an lo ko, Miòhawng hna cu minung kut in si loin an lo ko.

²¹A mit in minung an lam cu a zoh i an kehlan vialte cu a hmuh dih.

²²Thil òhalo tuahtu hna an i thuh khawhnak dingah Thihnak thladem a um lo i a thukmi muihnak zong a um lo.

²³Pathian hmai i biaceih awk i chuah awk ah minung ca i tinhmi ni a um lo.

²⁴Dothlatnak kha zeihmanh a tuah lo, sihmanhsehlaw a òhawngmi kha a hrawh hna i an hmun ah midang a chiah hna.

²⁵Cucaah an tuahmi vialte kha pakpalawng ah a canter i Zan ah khan a merhnawh hna i an kuai dih.

²⁶An òhat lo ruangah a tuk hna i zapi hmuh hngan ah a chimhhrin hna.

²⁷Zeicahtiah amah nawl ngaih kha an ngol i a lam kha zei ah an rel lo.

²⁸Khi tikah sifakmi aunak kha a hna chungah a phan i hremmi hna aunak kha a theih.

²⁹Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

³¹“Abiana ah, Pathian cu hei i thawh law, Ka luan cang, òhat lonak cu ka tuah ti lai lo;

³²Santlai lomi misual ka si ko, nangmah nih lam ka hruai, Òhat lonak ka tuahmi paohpaoh kha zeihmanh ka tuah ti lai lo,’ hei ti law

³³Hi na bia thawng hin amah na hlawtnak cu an ngaihthiam lai maw? Keimah nih si loin, nangmah nih naa khiah awk a si; Sihmanhsehlaw zeitindah na leh khawh lai?

³⁴Mifim mi nih cun hitin an ti lai i Ka chimmi a theitu mifim hna nih cun hitin an chim lai.

³⁵‘Job nih hin hngalhnak ngei loin a chim, a chimmi ah hin sullam a um lo.

³⁶Bialehnak a chimmi hi miòhalo mi hna bialehnak bantuk a si ve caah hin Zawnruah lo tein hneksak si ko seh.

³⁷Zeicahtiah sualnak ah hin ralthawhnak a chapchih i Pathian kha dong loin a thangchiat,’ ” tiah a ti.