Read Hakha Chin JOB 35 Bible Online

JOB 35 - Hakha Chin bible

JOB 35

¹Cun Elihu nih a bia cu a peh òhan i:

²“Naa thawh i, ‘Zei òhathnemnak dah ka hmuh? Rak sual hmanh ning law, atu ah hin tah cu nakcun òhathnemnak zei ka hmu hlei kun maw?’ na ti tikah hin, Mah hihi a òhami bia a si tiah ruat in Pathian hmaiah ka ding ko, tiah na ti maw?

⁴Cucaah nangmah le na sin i a ummi na hawile hna cu keimah nih kan leh tuah hna lai.

⁵Van khi hei zoh law ruat tuah, Nangmah cungpi i a ummi khuadawm khi zoh tuah hna.

⁶Na sual a si ah, zeidah amah ralchanh in na tuah khawh? Cun na phungbuarnak cu a tam chin zongah, amah cu zeitindah na ti khawh hlei?

⁷Na din a si ah, amah cu zei òhatnak dah na pek? Asiloah, na kut in amah nih a hmuhmi zeidah a um?

⁸Na òhat lonak nih cun nangmah bantuk mi lawng hi pei a tongh khawh ko hna cu, Na dinnak zong nih mi fapa hna lawng hi pei a òhathnem khawh ko hna cu.

⁹“Rialnak a tam tuk caah mi cu an au, A òhawngmi hna baan ruangah bawmhnak hal in an au.

¹⁰Sihmanhsehlaw ahohmanh nih, ‘A ka Sertu Pathian, zan ah him tein a kan zohkhenh i,

¹¹Vawlei cung saram nakin fimnak tam deuh a kan pe i Van i a zuangmi va nakin fim deuh in a kan sertu kha khuazei ah dah a um?” an ti lo.

¹²Annih cu anmah nawl lawng kha a duh i aa porhlawmi an si caah An au tikah a let hna lo.

¹³Pathian nih au sawhsawhnak cu a thei lo i Lianngan Bik nih mah cucu zeihmanh ah a rel lo.

¹⁴‘A ka hmu lo,’ tiah na ti tikah hin na caah a òha lo chinchinmi a si.

¹⁵Sihmanhsehlaw atu cu, Pathian cu a thin a hung lo i mi kha dan a tat hna lo i Hruhnak cu zeirello in a lanhter ko caah

¹⁶Job nih bia lolak chim in a ka aa an i hngalh set òung loin bia kha a karhter luaimai ko hna,” a ti.