Read Hakha Chin JOB 36 Bible Online

JOB 36 - Hakha Chin bible

JOB 36

¹Cun Elihu nih khan a peh i:

²“Tlawm tein ka ing rih law ka hmuhsak lai, Pathian lei kap in tlawmte chim awk ka ngei rih.

³A ka Sertu a ding tinak kha ka chim tikah hin Ka bia bawmtu hi lamhlat piin ka va khawmh hna lai.

⁴Ka chimmi ah hin lih a um lo, na hmai i a dirmi hi hngalhnak a ngeimi ka si.

⁵“Pathian nih a sangmi le a òhawngmi cu a hrawh hna i Miòhalo cu thluachuahnak a pe hna lo.

⁶Sihmanhsehlaw sifakmi le retheimi cu an hmuh awk hnga a simi kha a pek hna i Harnak a ingmi hna cu an hmuh awk hnga kha a pek hna, ka ti.

⁷An bawiòhutdan cung i a òhumi siangpahrang hna khi zoh hna hmanh: Pathian nih lianhngannak òhawnnak a pek hna tikah an lung a puam.

⁸Cun na hmuh nolh hna tikah cun hreng khenh an si i sal cikcin in khih an si.

⁹An ziaza a òha lomi kha a mawhchiat hna i An sualnak cu ruamkainak le mi tei duhnak an si kha a hmuhsak hna.

¹⁰An hna chungah ralrinnak bia kha a pek hna i An òhat lonak lam khan kir òhan awkah a kawh hna.

¹¹A bia an ngaih i a rian an òuan ahcun, An ni hna cu thluachuak in an hman i an kum hna cu nuamhnak in an hman.

¹²Sihmanhsehlaw an ngaih lo ahcun, vainam in an pam i thihnak tiva kha an tan.

¹³Mi lungpuam nih cun an thinhun kha an chuahhnawh i Annih kha a òem hna tikah bawmhnak hal an duh lo.

¹⁴Tlanval lioah an thi i an nunnak cu ningzahnak in a dong.

¹⁵Hremnak a ingmi hna cu hremnak an inmi kha hmang in a chuah hna i, Vanchiatnak kha hmang in an hna a awnter hna.

¹⁶“Harnak kha nuamhnak in thlen awk na hmuh tikah, i ralring tuah, Zeicahtiah na hmaiah thil tampi hunh na si i, Cabuai cung i hunmi rawl cu thau in a khatmi a si;

¹⁷Biaceihnak rian na òuan lioah mirumpa rawl kha khim tein na ei ahcun.

¹⁸Zu thawthaw kha a pingah i hruaiter hna hlah law Ziknawh kha na biakhiahnak kawiter hlah.

¹⁹Na rumnak cu zeitluk hmanh in a ngan ah, cu nih cun zeidah an òhathnem lai? Na dir hmun a sangmi zong nih zeidah an òhathnem lai?

²⁰“Òih a nungmi zan ah, miphun hna cu an umnak hmun in an loh tikah na thinphang hlah.

²¹Òhat lonak tuah awkah naa mernak hnga lo i ralring tuah, Zeicahtiah cu ruangah cun pei harnak in hneksak na si cu.

²²Pathian cu kan cungah lianhnak in a um ko, Amah bantukin ahodah a nganmi òhawnnak a ngei?

²³Aho nih dah a lam cu an ruahchungpiak i Aho nih dah, na palh, tiah an ti khawh?

²⁴Mi nih hla in an thangòhat zungzalmi a rian cu thangòhat awkah va philh hlah.

²⁵Mi vialte nih amah cu an zoh cio, mi nih lamhla piin an cuanh.

²⁶Zohhmanh, Pathian cu a ngan tuk i kan hngal kho lo; A kum zeizat a si kha kan rel khawh leng a si.

²⁷Tidor tete cu rili in cunglei ah a hnuh hna i minmei cu ruah ah a canter;

²⁸Mah cucu van khin ruah in an rung sur i minung cungah tam piin an tla.

²⁹Aho tal nih khuadawm an zamning khi a hngal kho maw? A khuadawm chung i khuari hna khi a hngal khotu an um maw?

³⁰Minmei cu ti cungah a zamter hna i rili hram hna cu a khuh hna.

³¹Cuticun miphun cu a cawm hna i rawl tampi a pek hna.

³²Òek chungah cun mei a khumh i aa tinhmi kha khen awkah nawl a pek.

³³A thinhun in thlichia kha a thawhter i Thlichia a ra lio ti hngalhtertu lamkaltu cu khuari a si.