Read Hakha Chin JOB 4 Bible Online

JOB 4 - Hakha Chin bible

JOB 4

¹Khi tikah Teman mi Elifaz nih khan a leh i,

²“Na sinah bia kaa khat in chim ning law, na thin a hung hnga maw? Asinain, ahodah chim loin a um kho hnga?

³Zohhmanh, nangmah nih mi tampi na rak cawnpiak hna i Kut a dermi cu na rak òhawnter hna.

⁴A ril lengmangmi cu na bia nih a tun hna i A derthawmmi khuk cu nangmah nih na fehter hna.

⁵Sihmanhsehlaw atu cu nangmah cungah harnak tlun caan a phan i na thin a tawi, Nangmah cu an tawngh i na lung a dong.

⁶Pathian na òihnak cu naa bochanmi a rak si lo maw? Na ziaza tlinnak cu naa hngatchanmi a si lo maw kha?

⁷Atu hi ruat hmanh, zeihmanh a sual lomi cu a rawkral bal maw? Khuazei tal ah miding cu hloh an si bal maw?

⁸Keimah ka hmuhning ah cun òhat lonak lei a thuangtu hna le Harnak a tuhtu hna nih cun, cu òhiamòhiam cu an zun tawn.

⁹Pathian thaw in an rawk i A thinhunnak in a chem hna thawngin an kang dih.

¹⁰Miòhalo hna cu chiandeih bantukin an ngur i an awn, Sihmanhsehlaw Pathian nih a daihter hna i an ha a thlongh hna.

¹¹Seh awk le ei awk a hmu ti lomi chiandeih bantukin an thi i An fale cu an i òhek dih.

¹²“A thli tein ka sinah bia a phan i Ka hna nih an i ceih sepmapmi cu a theih.

¹³Mi an i hngilh hluahmah lio i zan i langhnak ka hmuhmi ka ruah tikah.

¹⁴Òihnak le thathernak kha ka cungah a tlung i Ka ruh vialte kha a therter dih hna.

¹⁵Thaw nih ka hmai kha a ka chem i ka hmulthi a ling;

¹⁶Mui thluamthlam cu khika ah a dir ko, sihmanhsehlaw a mui kha ka hliah kho lo; Thil pakhat ka hmaiah a hung lang i Thawng pakhat, a aw a kua ngaimi cu ka theih:

¹⁷‘A thi khomi minung hi Pathian hmaiah cun a ding kho maw? Minung hi a Sertu hmaiah a thiang kho maw?

¹⁸Pathian nih a sinum hna hmanh kha a zum kho hna lo i A vancungmi hna hmanh kha, nan palh, tiah a ti hna;

¹⁹Cucaah tlak inn ah khua a sa i a hram cu leidip a si i Pelep bangin a man khomi cu zeitluk in dah a ti chinchin hna lai.

²⁰Zinglei le zanlei karlak ah an rawk dih; Ahohmanh i theihhngalh set loin an lo lan.

²¹An thlam hri cu an lakin cat lakin hnuh a si ahcun, Fimnak ngei loin an thi men ko lo maw?