Read Hakha Chin JOB 5 Bible Online

JOB 5 - Hakha Chin bible

JOB 5

¹“Au tuah hna, an lettu ding an um hnga maw? Mithiang aho cu dah na fuh bik hna lai?

²Asi taktak ko, thinhunnak nih mihrut kha a thah hna i Nahchuahnak nih lungthin tlawmmi kha a nawn hna.

³Mihrut nih ngeihchiah hram an thlak kha ka hmuh, Sihmanhsehlaw an umnak cu chiat ka serh colh.

⁴An fale hna cu an him deng naisai lo i Hauka ah khan lamh chih an si, Annih chanhtu ding kha ahohmanh an um lo.

⁵An rawl òuanmi cu rawlòammi nih an ei i Hling lak hmanh kha an lak; Cun tihalmi nih an chawva kha an chuh hna.

⁶Zeicahtiah temhinnak cu leidip chungin a ra lo i Harnak cu vawlei in a kheu lo;

⁷Sihmanhsehlaw meici cu cunglei ah a choi phung a si bantukin, Minung cu harnak hmu dingin hrin a si.

⁸“Kei cu, nang ka si ahcun, Pathian kha ka fuh ko hnga i Amah sinah khan ka konglam cu ka chiah ko hnga;

⁹Amah nih thil lianngan hna le ruah phak lomi thil hna le khuaruahharmi thil kha rel cawk loin a tuah hna:

¹⁰Vawlei cungah ruah a surter i Lo chungah ti kha a luanter hna;

¹¹Minauta cu cungsang ah a chiah hna i Ngaihchiami cu himnak ah a cawi hna.

¹²Mizer hna khuakhannak cu pakpalawng ah a canter, Cucaah an kut nih an i tinhmi cu an tlinter kho hna lo,

¹³Mifim hna cu anmah zernak lila ah khan a foih hna i Mihrokhrawl hna timhtuahnak cu khulrang in a dong.

¹⁴Chun ah muihnak he an i tong i Chunlai ah zan bantukin an i dap lengmang.

¹⁵Sihmanhsehlaw ngakòah hna cu an kaa chung khan a khamh hna i Mipam hna cu a òhawngmi hna kut chung khan a khamh hna;

¹⁶Cucaah sifakmi nih ruahchannak an ngei i Biadinglo nih khan a kaa a cip.

¹⁷“Zohhmanh, Pathian nih a chimhhrinmi cu lunglawmmi a si; Cucaah Lianngan Bik chimhhrinnak cu zeirello in um hlah.

¹⁸Zeicahtiah amah nih hriamhma an inter, Asinain amah lila nih an men òhan; Amah nih cun an tuk, sihmanhsehlaw a kut nih an damter òhan.

¹⁹Amah nih harnak paruk chungin an chuah lai, Pasarih chung zongah òhat lonak zeihmanh nih an tawng lai lo.

²⁰Mangòam a tlun tikah amah nih thihnak chungin an khamh lai, Ral chungah vainam òhawnnak chungin an tlanh lai.

²¹Congoihnak a um tikah a phaw an chonkanh lai i Rawhralnak kha a rat tikah na òih awk a herh lai lo.

²²Rawhralnak le mangòam an tlun tikah na ni lai i Vawleicung sahrang kha na òih hna lai lo.

²³Lo chung lung hna nih cun hna an in hnawh lai lo i lo chung sahrang hna he cun rem tein nan um lai.

²⁴Na thlam cu a him kha na hngalh lai i Na kawm kha na zoh lai i zeihmanh a bau lai lo.

²⁵Na tefa hna cu tampi an si lai kha le Na hrinsor hna cu vawlei i ram bantuk an si lai kha na hngalh fawn lai.

²⁶Rawl phal tommi cu amah caan te ah phuhri a phanh bantukin. Chan tling cikcek tein thlan khor na phan lai.

²⁷Zohhmanh, mah hihi kan dothlat cikcek i ahmaanmi a si, Biatak a si caah na ca i a òha dingah i lak tuah,” tiah a ti.