Read Hakha Chin JOB 9 Bible Online

JOB 9 - Hakha Chin bible

JOB 9

¹Cun Job nih a leh i:

²“Biangai tein, mah cucu cu bantukin a si tiah ka hngalh ko, Sihmanhsehlaw minung cu zeitindah Pathian hmaiah cun a din khawh lai?

³Amah he khan bia al a duh ahcun, voi thong khat chungah voi khat hmanh a let kho lai lo.

⁴Pathian cu a lungthin in a fim i a thazang in a òhawng Aho nih dah an doh khawh lai?

⁵Tlang cu a òhial hna i a thinhun in a leh hna tikah an hngal lo;

⁶Vawlei cu a umnak hmun khan a hninh i a tung hna cu an i hnin;

⁷Ni cu nawl a pek i chuak loin a um, Arfi cu a kharkhumh hna.

⁸Amah nih van cu a samh hna i rili tilet hna cu a lamh hna.

⁹Amah nih cun Fizang le Likuk canthum le Firuk le Thlanglei arfi hna kha a ser hna;

¹⁰Amah nih cun hngalh phak lomi thil lianngan le Khuaruahharmi thil relcawklo a ser hna.

¹¹Zohhmanh ka pawngah a kal, sihmanhsehlaw ka hmu lo; a lan i ka hngal lo.

¹²Amah nih cun a lak ko, aho nih dah an dawnh khawh lai? Aho nih dah, ‘Zeidah na tuah?’ an ti lai?

¹³“Pathian nih cun a thinhunnak hna cu a let òhan lai lo, A kehram ah Rahab bawmtu hna kha an kun.

¹⁴A si ahcun, zeitindah keimah chinchin nih cun amah cu ka leh khawh lai? Zeitindah amah he i alnak dingah bia cu ka hmuh khawh lai?

¹⁵Ka sual lo i sual a ka phawtu sinah khan zaangfahnak ka hal nain Zeihmanh lehnak ka hmu lo.

¹⁶Zung ah khin hei chuahpi in amah nih khan rak ka let ko hmanh seh law, Ka nawlnak bia cu a ka ngaihpiak hnga tiah ka zum hlei lo.

¹⁷Zeicahtiah thil hme tete kongah fak piin a ka tongh i Sullam ngei loin ka cungah tuknak cu ruah sur in a surter.

¹⁸Ka thaw hmanh a ka dawpter manh lo i ngaihchiatnak in a ka khahter.

¹⁹Thazang zuamkhawnnak a si ahcun, zohhmanh, amah cu a òhawng bik a si ko! Cun biading kong ah a si ahcun, aho nih dah, a bia cu ngaihpiak ko, tiah an ti khawh lai?

²⁰Suallo si hmanh ning law, keimah kaa lila nih sual a ka phawt ko lai; Soi awk um lo si hmanh ning law, amah nih cun lamtlau a ka ti khawh ko lai.

²¹Soi awk um lo ka si ko, sihmanhsehlaw ka caah zeidah a òhahnem? Nun hi a ka nor tuk cang.

²²Kan sual ah, kan thiam ah, zeihmanh aa dang lo, Pathian nih a kan hrawh ding a si ko.

²³A sual lomi kha a thih tikah Pathian cu a ni ko.

²⁴Pathian nih vawlei cu miòhalo hna kut chungah a pek; Biaceihtu vialte kha mitcaw ah a ser hna. Cucu Pathian nih a tuah lo ahcun, aho nih dah a tuah kun?

²⁵“Ka ni hna cu a tlimi nakin an khul a rang deuh, An liam i òhatnak zeihmanh an hmu lo.

²⁶Vokkuanglawng khulrang ngai bantukin an kal, Muvanlai nih a sa a vun zuanhnawh bantuk khin an khul a rang.

²⁷Ka phunzainak hi ka philh lai i Ngaihchia muihmai ka putmi hi ka hlawt lai i Lunglawm in ka um lai, ka ti ah,

²⁸Nganfahnak ka in dingmi hi a òih in ka òih, Zeicahtiah nangmah nih suallo ah na ka rel lai lo, ti kha ka hngalh.

²⁹Sualphawt ka si ko ding òung ah cun, Zeicahdah pakpalawng in ka òuan len ko lai?

³⁰Chatphiat in i kholh hmanh ning law, ka kut cu cangal in i òawl hmanh ning law,

³¹Nawncek chungah cun na ka thlak òhiamòhiam ko lai i Keimah ka thilthuam lila nih fihnung ah an ka ser ding a si ko.

³²Pathian cu keimah nih leh khawh awkah le biaceihnak hmun i chuahpi awkah Keimah bantukin minung a si òung lo.

³³Kan karlak ah biaceihtu le kan pahnih tein nawl a kan petu um hna seh law ka hei duh hnga dah.

³⁴Cu ti a si ahcun Pathian nih ka keng cung hin a òhiangòhunh kha a òhial hnga i Amah òihnak nih khan ka thin a ka phanter ti hnga lo.

³⁵Cu tikah amah òihnak um lo tein bia ka chim khawh hnga, Zeicahtiah a ka ruah ning bantuk cu ka si lo, ti kha ka hngalh.