Read Hakha Chin SALM 102 Bible Online

SALM 102 - Hakha Chin bible

SALM 102

¹Maw BAWIPA, ka thlacamnak cu ka ngaihpiak law nangmah bawmhnak hal ah ka aunak cu ka theihpiak ko.

²Harnak ka in tikah hin ka thuhtak hlah! Ka aunak cu ka ngaihpiak law khulrang in ka let tuah.

³Ka nunnak cu meikhu bangin a lo, ka pum cu mei bangin a kang.

⁴Ram car bangin ka nunnak cu a uai, rawl ei duhnak zeihmanh ka ngei lo.

⁵Fak piin ka hrum i ka ai, ka ruh le ka cuar lawng ka si ko.

⁶Thetse ram i a ummi va bantuk khi ka si, chuahtakmi khua rop i chimbu bantuk ka si.

⁷Hngilh kho loin ka um, inncung va, amah lawngin a um i a ci a haimi bantuk ka si.

⁸Chun nitlak in ka ral nih an ka nihsawh, nihchuak capo i a ka saitu pawl nih ka min cu chiatsernak ah an hman.

⁹Ka rawl cu vutcam a si i ka dinmi cu mitthli he aa cawh,

¹⁰zeicahtiah ka cungah na thin a hun caah a si. Na ka cawi i na ka hlonh.

¹¹Ka nunnak cu zanlei sang thladem bantuk men a si; Kei cu ram bantuk ka si ko.

¹²Sihmanhsehlaw BAWIPA, nangmah cu siangpahrang na si zungzal ko; chan vialte nih an in philh lai lo.

¹³Na tho lai i Zion cu na zaangfah lai, a cung i zaangfah ngeih caan cu a phan cang; atu hi cu caan cu a si cang.

¹⁴Hrawh dih cikcek a si ko nain na salle nih kan duh òhiamòhiam, a rawk dih ko nain a cungah zaangfahnak kan ngei òhiamòhiam.

¹⁵Miphun kip nih BAWIPA cu an òih lai, vawlei cung siangpahrang vialte nih a òhawnnak cu an òih lai.

¹⁶BAWIPA nih Zion kha a remh òhan tikah BAWIPA lianhngannak cu a lang lai,

¹⁷Kaltak cia a mi kha an thlacamnak a ngaihpiak hna lai i a theihpiak hna lai.

¹⁸BAWIPA nih a tuahmi thil kha a ra lai ding chan caah òial tuah u, cuticun a chuak rih lomi nih amah kha an thangòhat khawh lai.

¹⁹BAWIPA nih a sangmi a hmunthiang khin a run cuanh, vancung khin vawlei cu a run cuanh,

²⁰cu a run cuanh cu thongtla pawl an aihramnak theih awk le thah awk i biaceih cangmi hna luatter awkah a si.

²¹Cucaah BAWIPA min cu mi nih Zion ah an chim lai i Jerusalem ah amah cu an lawmh lai;

²²cucu zeitik ah dah a si lai ti ahcun, miphun hna le pennak hna kha hmunkhat ah an i pumh i BAWIPA kha an biak tikah a si lai.

²³Ka chan òim hmanh ti hlanah BAWIPA nih ka thazang a ka derter i ka nunnak kha a tawiter.

²⁴Ka Pathian, atu cu ka la rih hlah, ka tar hlanah cun ka la rih hlah! BAWIPA, nang cu zungzal in a ummi na si,

²⁵hlanpi ah vawlei cu na rak ser cang, Nangmah nih na kut hrimhrim in van khi na ser hna.

²⁶Van le vawlei cu an lo dih lai, sihmanhsehlaw nang cu na hmun lai; annih cu puan bangin an òet lai. Puan bangin na thlen hna lai i an lo lai;

²⁷sihmanhsehlaw nang cu zungzal in nangmah bon na si ko i na nunnak a dong lo.

²⁸Kan fale cu him tein khua an sa lai i an tefa hna cu nangmah nih zungzal in na huhphenh hna lai.