Read Hakha Chin SALM 103 Bible Online

SALM 103 - Hakha Chin bible

SALM 103

¹Maw ka nunnak, BAWIPA cu thangòhat tuah! Ka sining vialte, a min thiang cu thangòhat tuah u!

²Maw ka nunnak, BAWIPA cu thangòhat law zeitluk in dah zaangfahnak a ngeih kha philh hlah.

³Ka sualnak vialte kha a ka ngaihthiam i ka zawtnak vialte kha a ka damter;

⁴thlan chungin a ka khamh i dawtnak le zaangfahnak he thluachuah a ka pek;

⁵ka nunnak cu thil òha in a khahter i cucaah ka no peng i mupi bantukin ka òhawng.

⁶Hremnak a ingmi kha biaceih tikah BAWIPA nih a òanh hna i an hmuh awk hnga a simi kha a pek hna.

⁷Moses kha aa tinhmi cu a chimh i Israel mi kha thil lianngan a tuahmi cu a hmuhter hna.

⁸BAWIPA cu zaangfahnak le dawtnak in a khat, a thin a fual i a fekmi dawtnak in a khat.

⁹Mawhchiat chih lengmang kha a hmang lo i thinhung zungzal in a um lo.

¹⁰Hmuh awk kan i tlakning in dan a kan tat lo, kan sualnak le òhat lonak kan tuahmi ning zongin a kan lehrul lo.

¹¹Van cu vawlei nakin a san deuh ngaingai bantukin a dawtnak cu amah a òihmi hna caah cun a ngan ve.

¹²Nichuahlei le nitlaklei an i hlat tluk khin kan sualnak cu kanmah he i hlat ah a kan òhialpiak.

¹³Pale nih an fale an zaangfah hna bantuk khin BAWIPA nih amah a òihmi cu a zaangfah hna.

¹⁴Zei in dah ser kan si kha a hngalh i leidip men kan si kha a philh lo.

¹⁵Minung cu a nunnak hi ram bantuk men a si ko; a hung òhang i ramlak pangpar bangin a hung par.

¹⁶Cun thli a hung hrang ciammam i a lo ai, ahohmanh nih an hmu òhan ti lo.

¹⁷Sihmanhsehlaw BAWIPA nih amah a upatmi hna a dawtnak hna cu, zungzal in a hmun i a òhatnak nih chan vialte tiang a nguh,

¹⁸a biakamnak a zulmi le a nawlbia a ngaimi hna cungah cun BAWIPA òhatnak cu cu bantuk cun a si.

¹⁹BAWIPA nih a bawiòhutdan cu vancung ah khin a hun; zeizong vialte cungah siangpahrang a si.

²⁰Nannih a òhawng i a liannganmi vancungmi hna, BAWIPA cu thangòhat tuah u; a nawlbia kha a ngai i a chimmi a tuahmi vialte hna, BAWIPA cu thangòhat tuah u!

²¹Vancung i a ummi òhawnnak vialte hna, BAWIPA cu thangòhat tuah u, a duhnak a tuahmi a sal vialte hna, Bawipa cu thangòhat tuah u,

²²A sermi thil vialte hna, a pennak chung hmun zakip ah BAWIPA cu thangòhat tuah u! Maw ka nunnak, BAWIPA cu thangòhat tuah!