Read Hakha Chin SALM 106 Bible Online

SALM 106 - Hakha Chin bible

SALM 106

¹BAWIPA cu thangòhat ko u! BAWIPA sinah lawmhnak bia chim tuah u, zeicahtiah amah cu a òha, a dawtnak cu zungzal in a hmun.

²Aho nih dah thil lianngan a tuahmi vialte cu a chim cawk lai? Aho nih dah zaa lak in an thangòhat khawh lai?

³Amah nawl a zulmi cu mi lunglawm an si, a dingmi thil a tuahmi cu mi lunglawm an si!

⁴Na mi hna na bawmh hna tikah ka philh hlah, Maw BAWIPA, na khamh hna tikah kei zong ka telh ve.

⁵Na mi hna an òhancho cu ka hmuhter law na miphun an i lawmhnak ah cun ka telter ve, nangmah ta a simi hna an hmaihngalnak ah cun kei zong ka hmai ka hngalter ve.

⁶Kan pupa hna an rak sual bantuk khan kannih zong kan sual ve, palhnak kha kan tuah ve i òhat lonak kha kan tuah ve.

⁷Izipt ram i a rak ummi kan pupa hna nih khan Pathian tuahmi thil khuaruahhar kha an hngalthiam lo, an cungah a dawtnak voi tampi a langhter kha an philh i Lianngan Bik cu Rili Sen ah khan an doh.

⁸Sihmanhsehlaw bia a kamh hna bangkhan a khamh hna, cu a khamh hna cu a liannganmi a òhawnnak langhternak caah a si.

⁹Rili Sen cu nawl a pek i a ro, cun a mi cu vawlei ro cung kal bantukin a kalpi hna.

¹⁰A huatu hna kut chung khan a khamh hna i an ral kut chung khan a chuah hna.

¹¹An ral cu ti nih khan a phum dih hna i pakhat hmanh an tang lo.

¹²Cu tikah a mi nih khan a biakam cu an zumh i hla in an thangòhat.

¹³Sihmanhsehlaw a tuahmi kha an philh òhan zau i amah ruahnak hal hmasa loin rian an òuan:

¹⁴thetse ram ah khan an duhnak nih a tei hna caah Pathian kha hneksak an del;

¹⁵cucaah an halmi kha a pek hna i asinain rai òhalo kha an cungah a tlunter.

¹⁶Thetse ram ah cun Moses kha an nahchuah, BAWIPA sal thiang Aaron zong kha an nahchuah;

¹⁷Cu tikah vawlei nih khan a kaa a an i Dothan kha a dolh; Abiram le a innchungkhar kha a phum hna;

¹⁸anmah a zultu pawl kha mei nih a tlak hna i cu miòhalo pawl cu mei nih cun a kangh dih hna.

¹⁹Horeb tlang ah sui cawfa kha an ser i cu siasal cu an biak;

²⁰Pathian sunparnak cu ram a eimi saram mui ah an thlen.

²¹Izipt ram chungah khuaruahharmi thil a tuahmi thawngin Pathian nih a khamh hna, asinain cu Pathian cu an philh.

²²Cuka ah cun khuaruahharmi thil tampi a tuah, Rili Sen ah cun thil òihnung tampi a tuah hna.

²³Cucaah Pathian nih cun ka mi cu ka hrawh hna lai a ti; asinain a thimmi a sal Moses nih khan Pathian cu a thlauh i a thinhunnak nih khan a that hna lo.

²⁴Ram nuam kha zeirello in an um i bia a kamhmi hna kha an zum lo;

²⁵an thlam chungah khan an um i an zai, BAWIPA bia kha an ngai duh lo.

²⁶Cucaah a fakmi ralrinnak kha a pek hna i, “Thetse ram chungah hin ka thah hna lai,

²⁷cun nan tefa cu lawkihmi hna lakah ka òhek hna lai i ramdang ah ka thihter hna lai,” a ti.

²⁸Cun Pathian mi pawl nih khan Peor ah cun Baal kha an biak ve i nunnak a ngei lomi pathian hna sinah rai an thawimi sa kha an ei ve.

²⁹An thil tuahmi nih cun BAWIPA cu a thin a phawh i rai òhalo nih a tlunhnawh hna;

³⁰sihmanhsehlaw Finehas kha a dir riangmang i a sualmi kha dan a tat hna caah rai cu a òian.

³¹Cu a tuahmi cu a caah dinnak ah relpiak a si i hmailei caan tiang zongin a si zungzal ko lai.

³²BAWIPA cu a mi nih Meribah Cerh ah khan a thin an hunter i anmah ruangah cun Moses cu a awlok a chong.

³³Moses cu a thin an hunter tuk hringhran caah a chim awk a si lomi tiang zong khan a chim phah.

³⁴BAWIPA nih a fial hna bang khan tuah loin lawkihmi cu an that hna lo,

³⁵an òhit an vat lehlam hna i an ziaza kha an i cawn.

³⁶Pathian mi nih cun siasal kha an biak hna i cucu an rawhnak a chuahtertu kha a si.

³⁷An fapale le an fanule kha lawkih pathian sinah rai ah an thawi hna;

³⁸a sual lomi an fanule le an fapale hna cu an thah hna i Kanaan mi siasal hna sinah khan raithawinak ah an pek hna; hi ti an thah hnanak nih hin vawlei kha a thurter.

³⁹An thil tuahmi nih hin anmah cu a thurhnawmhter hna i Pathian sinah khan zumhawktlak in khua an sa lo.

⁴⁰Cucaah BAWIPA cu a mi hna cungah khan a thin a hung i a fih in a fih hna.

⁴¹Annih cu Pathian bia lomi hna kut tangah khan a kaltak hna i an ral nih khan an uk hna.

⁴²An ral nih cun an rial hna i cawlcang kho loin an kut tangah cun an chiah hna.

⁴³BAWIPA nih a mi pawl cu voi tampi a khamh ko hna, sihmanhsehlaw amah doh tu kha an duhmi cu a si i sualnak chungah khan thuk chin lengmang in an pil.

⁴⁴Asinain BAWIPA nih cun an auh tikah khan a theih hna i an temhinnak kha a hmuhpiak hna.

⁴⁵A biakamnak kha a hngalh camcinpiak hna i a nganmi a dawtnak ruangah a lung kha a thlen.

⁴⁶Thong i a thlatu hna kha an cungah zaangfahnak a ngeihter hna.

⁴⁷Maw BAWIPA, kan Pathian, kan khamh tuah, miphun tampi lak i kan i òheknak in kan khawm òhan law na min thiang kha kan thangòhat lai i nangmah lawmhnak bia chim in kan i lawm lai.

⁴⁸BAWIPA Israel Pathian cu thangòhat u sih; atu ah thangòhat u sih law