Read Hakha Chin SALM 107 Bible Online

SALM 107 - Hakha Chin bible

SALM 107

¹BAWIPA cu lawm tuah u, zeicahtiah amah cu a òha. a fekmi a dawtnak cu zungzal in a hmun.

²BAWIPA nih a khamhmi vialte hna, amah cu thangòhat u sih. Nan ral kut chungin an chuah hna i

³ram dang in an tlunpi hna, nichuah, nitlak, chaklei, thlanglei in an tlunpi hna.

⁴A cheu cu sul le lam a um lonak thetse ram ah khan an vai i an umnak ding khua kalnak lam kha an i hmuh kho lo;

⁵an rawl a òam, an ti a hal i an hnabei a dong cikcek.

⁶An harnak chung cun BAWIPA kha an auh i an harnak chung khan a khamh hna.

⁷A hruai hna i an umnak ding khua ah khan a kalpi hna.

⁸Cucaah BAWIPA cu, an cung i thil òha a tuahmi caah khan le a fekmi a dawtnak ruangah khan, an lawmh hrimhrim awk a si.

⁹Ti a halmi kha an ti hal a riamhter hna i rawl a òammi kha thil òha in an paw a khimter hna.

¹⁰A cheu cu lungdong in khuamui lakah an um, thir cikcin he nganfah a ingmi thongtla an si.

¹¹zeicahdah hi bantukin an si ti ahcun, Lianngan Bik Pathian nawl zulh kha an duh lo i a cawnpiak hnanak kha an al caah a si.

¹²Rian hrang an òuannak ah khan an ba i an rilh tikah ahohmanh nih an hlawm duh hna lo.

¹³Cu bantuk harnak chung cun BAWIPA cu an auh i an temhinnak chung cun a khamh hna.

¹⁴Khuamui lakah lungdong in an umnak chung cun a chuah hna i an thir cikcin cu a chahpiak hna.

¹⁵Cucaah BAWIPA cu, an cung i thil òha a tuahmi caah khan le a fekmi a dawtnak ruangah khan, an lawmh hrimhrim awk a si.

¹⁶Dar innkhar kha a khuai dih hna i thirfung kha a tan dih hna.

¹⁷A cheu cu an sual ruangah an zaw, òhat lonak an tuah ruangah temhnak an ing;

¹⁸rawl kha a mui hmuh hmanh an duh lo i an thi dengmang.

¹⁹An harnak chungin BAWIPA kha an auh i temhnak an inmi chung cun a khamh hna.

²⁰A nawlbia in a damter hna i thlan chungin a khamh hna.

²¹Cucaah BAWIPA cu, an cung i thil òha a tuahmi ruangah khan le a fekmi a dawtnak ruangah khan, an lawmh hrimhrim awk a si.

²²Raithawinak in an lawmh awk a si i a tuahmi thil vialte kha lunglawmhnak hla in an thanh awk a si.

²³A cheu cu rili cungah khan sangphawlawng in an kal i cuticun an paw an i cawm;

²⁴BAWIPA nih a tuahmi thil kha an hmuh i rili cungah a tuahmi thil khuaruahhar kha an hmuh hna.

²⁵Nawl a pek i thlichia a hrang i tilet a tho.

²⁶Sangphawlawng cu sang pipi ah a cawi hna i thuk pipi ah a òhumh hna; cu bantuk òihnung chungah cun mi cu an hnabei a dong;

²⁷zuri bantukin an sawn i an tlu; an thiamnak vialte cu zeihmanh san a tlai lo.

²⁸An harnak chung khan BAWIPA cu an auh i an temhinnak chung khan a khamh hna.

²⁹Thlichia cu a daihter i tilet cu an dai.

³⁰Tilet a daih caah khan an i lawm i kal an duhnak lawng dinhnak ah khan him tein a phakter hna.

³¹Cucaah BAWIPA cu, an cung i thil òha a tuahmi ruangah khan le a fekmi a dawtnak ruangah khan, an lawmh hrimhrim awk a si.

³²A mi hna an i pumhnak ah khan a lianhngannak cu an chim awk a si i upa hna an i pumhnak ah khan amah cu an thangòhat awk a si.

³³BAWIPA nih tiva cu a kaoter hna i cerh cu a roter hna.

³⁴Vawlei òhatnak hmun cu, cite vawlei, vawlei òhalo ah a canter, zeicahtiah cuka i a ummi hna cu an òha lo.

³⁵Thetse ram kha tili ah a canter hna i ramcar kha cerhti put ah a canter hna.

³⁶Cuka ah cun rawl a òammi kha a umter hna i khuasaknak ah khuapi pakhat an ser,

³⁷lo ah khan thlaici an tuh i mitsur ruang kha an phun hna i rawl tampi an vuiter.

³⁸A mi kha thluachuah a pek hna i fa tampi an ngei, an saòil run kha a lohtlauter hna lo.

³⁹Pathian mi hna cu, raltuknak ah an sungh i ningzahnak an huah tikah, hremnak le harnak an in tikah,

⁴⁰anmah a hremtu hna kha ningzahnak a phakter hna i sul le lam a um lonak thetse ram ah khan a vaihter hna.

⁴¹Sihmanhsehlaw sifak retheimi kha an harnak chungin a chuah hna i an tefa cu saòil run bantukin a karhter hna.

⁴²Miding mi nih mah hihi an hmuh i an i lawm, sihmanhsehlaw miòhalo cu cipkhap ti ngam loin an um.

⁴³A fimmi nih cun hi thil hi ruat hna seh; BAWIPA dawtnak fek cu ruat zungzal hna seh.