Read Hakha Chin SALM 115 Bible Online

SALM 115 - Hakha Chin bible

SALM 115

¹Kanmah si loin, na min lawnglawng hi sunparnak pek awk cu na si, BAWIPA, zeicahtiah na dawtnak cu a fek i zumhawktlak na si.

²Zeicahdah miphun dang hna nih, “Nan Pathian cu khoika ah dah a um?” tiah an kan hal lai?

³Kan Pathian cu vancung ah khin a um i a duhmi paoh kha a tuah ko.

⁴Annih pathian tu cu sui le ngun in sermi an si, minung kut nih a sermi an si.

⁵Kaa cu an ngei, sihmanhsehlaw an holh kho lo, mit cu an ngei, sihmanhsehlaw an hmu kho lo.

⁶Hna an ngei, asinain khua an thei lo, hnar an ngei, sihmanhsehlaw rim an thei lo.

⁷Kut an ngei, sihmanhsehlaw zeihmanh an tawng kho lo, ke an ngei, sihmanhsehlaw an kal kho lo; an hrom nih aw zeihmanh a ser kho lo.

⁸Siasal a sertu hna le siasal aa bochanmi hna cu an sermi siasal bantuk cu si ve hna seh!

⁹Maw Israel mi hna, BAWIPA cu i bochan u, amah nih an bawmh hna lai i an huhphenh hna lai.

¹⁰Pathian tlangbawi hna, BAWIPA cu i bochan u, amah nih an bawmh hna i an huhphenh hna.

¹¹BAWIPA a òihmi vialte hna, amah cu i bochan u, amah nih an bawmh hna i an huhphenh hna.

¹²BAWIPA nih a kan philh lo i thluachuah a kan pek lai; Israel mi le Pathian tlangbawi vialte kha thluachuah a pek hna lai.

¹³Amah a òihmi vialte cu thluachuah a pek hna lai, a hme a ngan thleidang loin a pek hna lai.

¹⁴BAWIPA nih nangmah le na fale cu, tefa in pe ko hna seh!

¹⁵Van le vawlei a sertu BAWIPA nih cun, thluachuahnak in pe ko hna seh!

¹⁶Vancung khi BAWIPA ta a si, sihmanhsehlaw vawlei hi cu, mi kha a pek hna.

¹⁷BAWIPA a thangòhattu cu mithi an si lo, holh lo i dai tein umnak hmun ah a vung kalmi nih an thangòhat kho lo,

¹⁸sihmanhsehlaw kannih a nungmi nih amah cu kan lawmh lai, atu in zungzal tiang kan lawmh lai. BAWIPA cu thangòhat u!