Read Hakha Chin SALM 116 Bible Online

SALM 116 - Hakha Chin bible

SALM 116

¹BAWIPA nih ka thlacamnak kha a ka ngaihpiak i a ka theihpiak caah BAWIPA cu ka dawt.

²Amah ka auh fate a ka theihpiak zungzal.

³Thihnak nih a hri in a ka òem, Sheol nih a kut in a ka khimh. Òihnak le lung retheihnak in ka khat.

⁴Cu tikah BAWIPA cu ka auh i, “BAWIPA, ka khamh ko sawh,” tiah ka nawl.

⁵BAWIPA cu velngeimi le miòha a si, kan Pathian cu mi zaangfah thiammi a si.

⁶BAWIPA nih a awlok a chongmi kha a huhphenh hna, òihnung chung i ka um tikah a ka khamh.

⁷BAWIPA cu ka cungah a òhat caah, maw ka nunnak, hnangam tein um ko.

⁸BAWIPA nih thihnak chungin a ka khamh, ka mitthli kha a ka hnawh i raltuknak ah a ka sunghter lo.

⁹Cucaah cun BAWIPA hmaiah kaa chawk kho i, a nungmi hna sinah khua ka sa rih.

¹⁰“Ka lo dimdiam ko cang,” ka ti lio hmanh ah, a zumh cu ka zumh peng ko,

¹¹Ka thin a phan tuk cang i, “Ahohmanh bochan awk tlak an um lo,” ka ti lio zongah, ka zumh peng òhiamòhiam ko.

¹²BAWIPA cu ka cung i a òhatnak vialte ruangah hin zeidah ka pek khawh lai?

¹³A ka khamh caah khan BAWIPA cu din awk thawinak ka pekchanh lai.

¹⁴A mi vialte an i pumhnak ah khan bia kaa kammi kha ka pek lai.

¹⁵A mi pakhatkhat an thih tikah BAWIPA caah zeitluk in dah a fah!

¹⁶BAWIPA, kei cu na sal ka si; ka nu nih na rian a rak in òuanpiak bang khan kei zong nih ka òuan ve.

¹⁷Lawmhnak chimnak raithawinak cu kan pek lai i na sinah thla ka cam lai.

¹⁸Na mi vialte an i pumhnak, Jerusalem khua na Biakinn tual ah cun, na sinah bia kaa kammi kha kan pek lai. BAWIPA cu thangòhat u!