Read Hakha Chin SALM 118 Bible Online

SALM 118 - Hakha Chin bible

SALM 118

¹BAWIPA cu a òhat i a dawtnak cu zungzal in a hmunh caah lawm tuah u!

²Israel mi nih, “A dawtnak cu zungzal in a hmun,” ti hna seh.

³Pathian tlangbawi hna nih, “A dawtnak cu zungzal in a hmun,” ti hna seh.

⁴BAWIPA a òihmi vialte nih, “A dawtnak cu zungzal in a hmun,” ti hna seh.

⁵Lung sivang in ka umnak chungin BAWIPA cu ka auh; ka auhnak cu a ka leh i a ka luatter.

⁶BAWIPA cu ka sinah a um caah zeihmanh ka òih lo; minung nih cun ka cungah zeidah an tuah khawh lai?

⁷A ka bawmtu cu BAWIPA a si caah, ka ral kha an sungh cu ka hmuh lai.

⁸Minung i bochan nakcun BAWIPA i bochan cu a òha deuh;

⁹bawi i bochannak cun Pathian i bochan kha a òha deuh.

¹⁰Ral tampi nih an ka kulh, sihmanhsehlaw BAWIPA òhawnnak thawngin ka tei dih hna!

¹¹A kaa kip in an ka kulh, sihmanhsehlaw BAWIPA òhawnnak thawngin ka tei dih hna!

¹²Khuai zelh in an ka zelh, sihmanhsehlaw hlingbur kangh in an kang, BAWIPA òhawnnak thawngin ka tei dih hna.

¹³Fak piin an ka tuk i an ka tei ciaomau, sihmanhsehlaw BAWIPA nih a ka bawmh.

¹⁴BAWIPA cu ka himnak le ka ralhruang a si, amah cu a ka chuahtu a si.

¹⁵Pathian mi hna thlam chung i ral teinak au thawng cu ngai hmanh: BAWIPA òhawnnak a liannganmi nih kan ral cu a tei hna,

¹⁶a òhawnnak nih teinak a kan pek, a òhawnnak a liannganmi nih raltuknak hmun ah teinak a kan pek!” an ti.

¹⁷Ka thi lai lo, ka nung ko lai i BAWIPA nih a tuahmi thil kha ka chim hna lai.

¹⁸Fak piin dan a ka tat, sihmanhsehlaw thih ngaingai cu a ka siang lo.

¹⁹Biakinn kutka cu ka hunpiak hna u, ka lut lai i BAWIPA cu ka thangòhat lai.

²⁰Hihi BAWIPA kutka cu a si, miding mi lawng an lut kho lai.

²¹BAWIPA, nangmah nih ka thlacamnak na ka theihpiak i teinak na ka pek caah; nangmah cu kan thangòhat!

²²Inn satu pawl nih santlailo ah an rel i an hlawtmi lung cu, santlai bik lung a rak si ziar ko!

²³Cucu BAWIPA tuahmi a si, zeitluk in dah aa dawh!

²⁴BAWIPA nih a kan pekmi ni hi zeitluk in dah a òhat; hi ni ah hin i lawm u si law i nuam u sih.

²⁵Kan khamh tuah, Maw BAWIPA kan khamh tuah. BAWIPA, thluachuahnak kan pe ko!

²⁶BAWIPA min in a rami cu Pathian nih thluachuah a pek hna. BAWIPA biakinn chungin kannih nih thluachuah kan rak in pek hna.

²⁷BAWIPA cu Pathian a si; kan cungah a òha. Nan kut in thing nge kha i put in puai cu thawk u law biakòheng kha vel u.

²⁸Nangmah cu ka Pathian na si i kan lawmh; na lianhngannak cu ka thanh lai.

²⁹BAWIPA cu a òhat caah lawm tuah u, a dawtnak fek cu zungzal in a hmun.