Read Hakha Chin SALM 129 Bible Online

SALM 129 - Hakha Chin bible

SALM 129

¹Israel, na no lio tein na ral nih zeitluk in dah an rak in hrem kha, chim tuah!

²I thawh law, “Ka no lio tein ka ral nih fak piin an ka hrem zungzal, sihmanhsehlaw an ka tei lo.

³Ka keng cu leithuan in an thuan, leikuang rinkuar sau pipi in an tuah bantuk khin an tuah.

⁴Sihmanhsehlaw a dingmi BAWIPA nih saltannak chung cun a ka luatter,” tiah chim tuah.

⁵Zion a huatu vialte hna cu sung hna seh law kir dih hna seh!

⁶Inn cungah a khomi ram, hleh cut hlan i a carmi bantuk khi si hna seh.

⁷Cu bantuk ram cu ahohmanh nih pumh awkah an sak hna lo i a tom in i phorh awkah an rel hna lo.

⁸Cucaah an pawng i a kalmi ahohmanh nih, “BAWIPA nih thluachuah in pe hna seh, BAWIPA min in thluachuah kan in pek hna,” an ti hna lai lo .