Read Hakha Chin SALM 135 Bible Online

SALM 135 - Hakha Chin bible

SALM 135

¹BAWIPA cu thangòhat u. BAWIPA sal hna, a min cu thangòhat u,

²BAWIPA inn chungah a dirmi hna, kan Pathian hmunthiang chungah a ummi hna, a min cu thangòhat u.

³BAWIPA cu a òhat caah thangòhat u zaangfah thiammi a si caah a min cu hla in thangòhat u.

⁴Jakob cu amah minung si awkah amah nih aa thim, Israel mi cu amah mi si awkah amah nih aa thim hna.

⁵Kan BAWIPA cu a liannganmi a si kha ka hngalh, pathian dang vialte hna nakin a ngan deuh.

⁶Vancung ah siseh, vawlei cungah siseh, rili chungah siseh, rili tangah siseh, a duhmi paoh kha a tuah ko.

⁷Vanhramdeng in khuadawm kha a ratpi hna, thlichia chungin òek kha a chuahter i a thil khonnak inn chungin thli kha a chuahter.

⁸Izipt ram ah fater paohpaoh kha a thah hna, minung fater he saram fater he a thah hna.

⁹Faro le a bawi pawl dantatnak ah khuaruahharmi thil le hmelchunhnak kha a ser hna.

¹⁰Miphun tampi kha a hrawh hna i siangpahrang òhawngòhawng kha a thah hna.

¹¹Cu hna cu: Amor mi siangpahrang Sihon, Bashan siangpahrang Og le Kanaan siangpahrang dihlak an si.

¹²An ram cu a mi kha a pek hna, Israel mi kha a pek hna.

¹³BAWIPA, nangmah cu Pathian na si kha mi nih an hngalh zungzal ko lai; chan vialte nih a philh in an philh lai lo.

¹⁴BAWIPA nih a mi cu a zaangfah hna lai, a sal cu a luatter hna lai.

¹⁵Miphun dang nih an biakmi siasal cu sui le ngun in sermi an si; minung nih an kut in an sermi an si.

¹⁶Kaa cu an ngei, sihmanhsehlaw an holh kho lo, mit cu an ngei, sihmanhsehlaw khua an hmu lo.

¹⁷Hna an ngei, asinain khua an thei lo, an kaa chungah thaw a um lo.

¹⁸Cu siasal a sertu hna le cu siasal aa bochanmi hna cu, an sermi siasal bantuk ah cun an i cang lai!

¹⁹Israel mi hna, BAWIPA cu thangòhat u; Pathian tlangbawi hna, amah cu thangòhat u.

²⁰Nannih Levi mi hna, BAWIPA cu thangòhat u. amah a òihmi vialte hna, BAWIPA cu thangòhat u.

²¹BAWIPA cu Zion ah thangòhat u, a inn Jerusalem ah thangòhat u. BAWIPA cu thangòhat u.