Read Hakha Chin SALM 140 Bible Online

SALM 140 - Hakha Chin bible

SALM 140

¹Maw BAWIPA, miòhalo hna kut chung khan ka khamh ko; mipuarhrang hna sin khan him tein ka umter ko.

²Òhat lonak khua lawng kha an khang zungzal ko, siknak lawng kha an chuahter zungzal ko.

³An lei cu rul lei bantuk a si i an bia cu rawchok sivai bantuk a si. Selah

⁴Miòhalo mi hna kut chung khan ka huppheng law, maw BAWIPA, ka tluknak ding lawng a tuaktan lengmangmi hna mipuarhrang hna sin khan him tein ka umter ko.

⁵Miruamkai pawl nih khan rap an ka chiahhnawh, mihrokhrawl pawl nih khan sur rap cu an chiah i lam ah khan keimah foihnak dingah cun an phah. Selah

⁶BAWIPA cu ka thawh i, “Nangmah cu ka Pathian na si,” ka ti. BAWIPA, nangmah bawmhnak hal in ka aunak cu ka theihpiak ko!

⁷Maw BAWIPA ka Pathian, nangmah cu ka khamhtu òhawng na si, raltuknak hmun ah na ka huhphenh.

⁸Maw BAWIPA, miòhalo cu an duhmi thil kha hmuhter hna hlah; thil òhalo an khanmi kha tlinter hlah. Selah

⁹Ka ral kha teitu siter hna hlah, an ka tlerhnak cu anmah cung lila ah tlakter.

¹⁰Meiòil sen nih tlak hna seh law, chuak kho ti loin khor thuk chungah tla hna seh.

¹¹Lih in midang sual a puhmi cu, mi sual an puhnak hna ah khan thluachuak hna hlah seh; mipuarhrang cu òhat lonak nih khan tlak hna seh law hrawk hna seh.

¹²BAWIPA, nangmah nih misifak cu na òanpi hna i mirethei cu an hmuh awk hnga a simi kha na hmuhter hna, ti kha ka hngalh.

¹³Miding nih cun an in thangòhat taktak lai, na hmaika ah khan khua an sa zungzal lai.