Read Hakha Chin SALM 141 Bible Online

SALM 141 - Hakha Chin bible

SALM 141

¹Maw BAWIPA, nangmah kha kan auh, khulrang in ka bawm tuah! Nangmah kan auhnak ka aw hi ka ngaihpiak ko.

²Ka thlacamnak cu zihmui bangin ka cohlanpiak law ka kut ka hlermi cu zanlei raithawinak sa bangin ka cohlanpiak ko.

³BAWIPA, ka kaa ah hin ralvengtu ka chiahpiak law ka hmur ah hin cawngtu ka chiahpiak ko.

⁴Thil òhalo tuah duhnak ka ngeih sual nakhnga lo le miòhalo hna thil òhalo tuahnak ah kaa tel ve nakhnga lo, ka lungthin hi nangmah nih kham ko; an puai ah cun a tel in i tel hlah ning!

⁵Miòha nih cun dawtnak in ka si hna seh law dan ka tat ko hna seh, sihmanhsehlaw miòhalo nih cun ka lu ah sathau ka thuh hna hlah seh, zeicahtiah cu bantukin ka cungah an tuah ahcun, thil òhalo an tuahmi i aa tel vemi ah an ka ser khawh sual ai hnga.

⁶An uktu bawi hna kha lungpang cungin hlonh an si tikah, mi nih ka bia ahmaan kha an hngalh lai.

⁷Mi nih an tan an cheu i a pel le a pawi ah a cang dihmi thing bantukin, an ruh cu thlanka kamah khan òhek dih si hna seh.

⁸Sihmanhsehlaw BAWIPA Pathian, kei nih cun kan bochan i nangmah chungah dornak kha ka kawl; ka thihter sawh hlah!

⁹Keimah foihnak dingah an chiahmi rap cun ka huppheng law thil òhalo a tuahtu hna chiahmi thang khan ka luatter ko.

¹⁰Miòhalo cu anmah rap lila ah khan i foih hna seh, kei bel harnak zeihmanh tong loin kal ko ning.