Read Hakha Chin SALM 145 Bible Online

SALM 145 - Hakha Chin bible

SALM 145

¹Ka Pathian le ka siangpahrang, na lianhngannak cu ka thanh lai i nangmah cu a zungzal in kan lawmh lai.

²Nifate in kan thangòhat lai i a zungzal in kan lawmh lai.

³BAWIPA cu a lian a nganmi a si, fak piin thangòhat awk a si; a lianhngannak cu kan hngalh khawh leng a si.

⁴Na tuah sernak cu chan khat hnu chan khat thangòhat a si lai, thil khuaruahhar na tuahmi cu aupi an si lai.

⁵Mi nih na sunparnak le lianngannak kha an chim lai, kei nih thil khuaruahhar na tuahmi kha ka ruat hna lai.

⁶Mi nih thil khuaruahhar na tuahmi kha an chim hna lai, kei nih na lianhngannak kha ka thanh lai.

⁷Annih nih na òhatnak kha an chim lai, na velngeihnak kha hla in an sak lai.

⁸BAWIPA cu dawtnak a ngeimi le mi zaangfah thiammi a si, thinhun a har i a fekmi dawtnak in a khatmi a si.

⁹Aho cung paoh ah a òha i a sermi hna an dihlak cungah zaangfahnak a ngei.

¹⁰BAWIPA, na sermi thil vialte nih an in thangòhat lai, na sermi hna nih an in lawmh lai!

¹¹Na pennak a sunpar ning kha an chim lai i na òhawnnak kha an thanh lai.

¹²Cucaah mi vialte nih thil khuaruahhar na tuahmi kha an hngalh lai i na pennak a sunpar ning le a lianhngan ning kha an hmuh lai.

¹³Na pennak cu zungzal in a hmun lai i nangmah cu zungzal in siangpahrang na si lai. Pathian nih cun biakamnak a tuahmi kha zumhawktlak tein a zulh i a tuahmi thil paoh kha an òha dih.

¹⁴Harnak a ingmi kha a bawmh hna i òhumhnak a tongmi kha a cawi hna.

¹⁵Ruahchannak he na sermi thil nung vialte nih an in zoh i an herhmi rawl kha an herh caan te ah a pek hna.

¹⁶Na kut na samh i an dihlak in an herhmi kha tling tein an hmuh.

¹⁷BAWIPA cu thil a tuahnak paoh ah hin ding tein a tuahmi a si, rian a òuannak paoh ah hin zaangfahnak a ngeimi a si.

¹⁸A autu vialte hna cu an pawng khin an umhnawh hna, lungtak in a autu vialte hna cu.

¹⁹Amah a òihmi paoh cu an herhmi vialte kha a pek hna i an aunak kha a theih i a khamh hna.

²⁰Amah a dawtu cu an dihlak in a huhphenh hna, sihmanhsehlaw miòhalo cu a hrawh dih hna lai.

²¹BAWIPA cu ka thangòhat lai, thilnung vialte nih a min thiang cu zungzal in thangòhat hna seh!