Read Hakha Chin SALM 147 Bible Online

SALM 147 - Hakha Chin bible

SALM 147

¹BAWIPA cu thangòhat u! Kan Pathian cu hla in thangòhat hi a òha; amah thangòhat hi a nuam i ahmaan.

²BAWIPA nih Jerusalem cu a remh òhan lai, saltang mi kha a kirpi òhan hna lai.

³Lungkuai mi kha a damter hna i an hma kha a menpiak hna.

⁴Arfi kha a rel dih hna i an dihlak in min a bunh hna.

⁵Kan BAWIPA cu a lian a ngan i òhawnnak in a tling, thil a hngalhning hi tah khawh a si lo.

⁶Mi toi i aa dormi cu a cawi hna, sihmanhsehlaw miòhalo cu vawlei ah a rial hna.

⁷BAWIPA cu hla in thangòhat tuah u, kan Pathian cu tingtang aw dawh in thangòhat u.

⁸Van ah khin minmei a zamter; vawlei kha ruah in a cawm i tlang cungah ram a khohter hna.

⁹Saram kha rawl a pek hna i lang-ak no nih an awnh tikah rawl a pek hna.

¹⁰BAWIPA nih rangtum òhawngòhawng hi biapi ah a ruahmi an si lo, ralkap ralòhami hi a lawmhmi an si fawn lo;

¹¹asinain a lung a tongmi cu amah a òihmi le a fekmi a dawtnak aa bochanmi kha an si.

¹²Jerusalem, BAWIPA cu thangòhat tuah! Zion, na Pathian cu thangòhat tuah!

¹³Amah nih na kutka kha a fehter hna, na mi kha thluachuahnak a pek hna.

¹⁴Na ramri kha him tein a umter hna i changvut òha bikbik in na paw an khimter.

¹⁵Vawlei ah a nawlbia kha a thlah i khulrang in a ra phan.

¹⁶Sahmul tluk chah in hawhra kha a tlakter i leidip bangin dappar kha a òhek.

¹⁷Rial cu lung tekem bangin a tlakter; kihnak a run thlahmi cu ahohmanh nih an celh lo.

¹⁸Cun nawlbia kha a vun chuah i hawhra cu a ti; thli kha a hranter i ti cu a luang.

¹⁹Jakob cu a bia kha a chimh, Israel cu a nawlbia le a phunglam kha a pek.

²⁰Miphun dang hna caah cun mah hihi a tuah hna lo, a phunglam kha an hngal hna lo. BAWIPA cu thangòhat u!