Read Hakha Chin SALM 149 Bible Online

SALM 149 - Hakha Chin bible

SALM 149

¹BAWIPA cu thangòhat u! BAWIPA cu hla thar in thangòhat u; a mithiang an i pumhnak ah amah cu thangòhat u.

²Israel, nangmah an sertu ruangah cun i lawm tuah, Zion mi hna, nan siangpahrang ruangah cun i lawm tuah u!

³Nan lamnak ah khan a min cu thangòhat u, amah cu khuang le tingtang in thangòhat u.

⁴BAWIPA nih a mi cu a zaangfah hna i santlai lomi kha teinak a pek hna.

⁵An teinak ah cun Pathian mi cu i lawm hna seh law rawl danghnak an tuahmi ah cun lunglawm in hla sa hna seh.

⁶Vainam a harmi i put in Pathian an thangòhatnak ah cun a au in au hna seh.

⁷Cu vainam cun miphun dang kha tei hna seh law lawkihmi kha dantat hna seh;

⁸an siangpahrang hna kha khit hna seh law thir cikcin in hreng hna seh;

⁹Pathian nawlbia bangin miphun dang cu dantat hna seh. Pathian mi nih an hmuhmi teinak cu hihi a si. BAWIPA cu thangòhat u!