Read Hakha Chin SALM 16 Bible Online

SALM 16 - Hakha Chin bible

SALM 16

¹Maw Pathian, nangmah cu kan fuh ko, ka huppheng ko sawh.

²BAWIPA cu ka thawh i, “Nangmah cu ka BAWIPA na si; thil òha ka ngeihmi vialte hi nangmah sinin ka hmuhmi an si,” ka ti.

³BAWIPA mi, zumhawktlak a simi hna cu, zeitluk in dah an òhat! Anmah he um òi cu kaa lawmhnak ngan bik a si.

⁴Pathian dang a zuan lengmangmi nih cun, an cungah harnak an i tlunter. An raithawinak ah kaa tel duh lai lo i an pathian cu ka bia hna lai lo.

⁵Nangmah dah ti lo cu ka ngeihmi dang zeihmanh a um lo, maw BAWIPA, ka herhmi vialte cu nangmah nih na ka pek, ka nunnak cu na kut chungah a um.

⁶Laksawng na ka pekmi cu zeitluk in dah khuaruahhar an si, zeitluk in dah an òhat!

⁷BAWIPA nih a ka hruai caah amah cu ka thangòhat, zan ah ka lungthin nih ralrinnak a ka pek.

⁸BAWIPA ka sinah a um cu ka hngalh zungzal, amah cu keimah he naihte ah a um i zeihmanh nih an ka hnin kho lo.

⁹Cucaah lawmhnak le thanuamnak in ka khat i him tein ka um zungzal.

¹⁰Cu ti ka si cu Mithi khua ah khan na ka kaltak lai lo le na dawtmi cu Khor Thuk chungah na ka chiahtak lai lo caah a si.

¹¹Nunnak lei kalnak lam cu na ka hmuhsak lai; ka sinah na um caah lawmhnak in ka khat i na ka bawmh caah nuamhnak ka hmu zungzal. Revised: 18 Dec.1997, Sui Mawng. Double checked: Saya Khen Cham & Sui Mawng, 17 Feb 2003 Typesetting checked: 13 Nov 2004 Typesetting tripple checked: Dec. 1 st, 2004 pesetting tripple checked: Dec. 1 st, 2004