Read Hakha Chin SALM 18 Bible Online

SALM 18 - Hakha Chin bible

SALM 18

¹Maw BAWIPA ka òhawnnak, nangmah cu kan dawt hringhran ko! Nangmah cu a ka chanhtu na si.

²BAWIPA cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

³BAWIPA cu ka auh i ka ral hna kut chungin a ka khamh. BAWIPA cu thangòhat ko u.

⁴Thihnak nih a hri in a ka òem, rawhralnak tilian nih a ka tlunhnawh.

⁵Thihnak nih a hri in a ka òem, thlan nih a rap kha a ka chiahhnawh.

⁶Ka harnak chungin BAWIPA cu ka auh; bawmhnak hal in ka Pathian cu ka auh. A biakinn chungin ka aw kha a theih, bawmhnak ka halnak ka aw cu a hna a phan.

⁷Cun Pathian cu a thin a hun caah vawlei cu aa hnin i a ther; tlang hram hna cu an i hnin i an i sai dih.

⁸A hnar chungin meikhu an chuak i a kaa chungin a hliau in aa hliaumi meizik an chuak.

⁹Van khi a run baoh i a rung òum, a ke tang i a ummi khuadawm nakpi he a rung òum.

¹⁰Cherubim kha aa cit hna i a rung zuang, thlitu kha a thla in aa cit i khulrang in a choi.

¹¹Muihnak in amah le amah cu aa tuam, ti a khatmi khuadawm nakpi nih khan a zulh.

¹²A hmai i aa lekmi nimtlau chungin rial le meiòil an tla, khuadawm nakpi chung khan an rung tla.

¹³Cun BAWIPA cu vancung in khuari bantukin a rung ri i Cung Nung Bik aw cu a rung thang.

¹⁴A thal cu a thlah hna i a ral cu a òhek hna; òek kha a tlakter i an zaam dih.

¹⁵Maw BAWIPA, nangmah nih na ral cu na sik hna i na thinhun in na onhhnawh hna tikah rili tawne cu a lang i vawlei hram cu a chin kha aa hung.

¹⁶BAWIPA nih vancung khin a run ka banh i a ka tlaih; ti thuk chungin a ka chuah.

¹⁷A òhawngmi ka ral hna kut chungin a ka chuah, a ka huami vialte hna kut chungin a ka chuah § annih cu ka caah a òhawng tukmi an si.

¹⁸Harnak ka ton tikah an ka doh, sihmanhsehlaw BAWIPA nih cun a ka huhphenh.

¹⁹Òihnung chungin a ka chuah; ka cungah a lung a tlin caah a ka khamh.

²⁰Ka din caah BAWIPA nih laksawng a ka pek, a sual lomi ka si caah thluachuah a ka pek.

²¹BAWIPA nawlbia cu ka zulh; ka Pathian cu ka doh lo,

²²A phunglam vialte kha ka zulh i a nawlbia kha zul loin ka um hna lo.

²³Palhnak ka tuah lo kha a hngalh, thil òhalo ka hrial kha a hngalh.

²⁴Cucaah cun ka din caah khan laksawng a ka pek i ka sual lo a hngalh caah khan òuan man a ka pek.

²⁵BAWIPA, nang cu zumhawktlak a simi sinah zumhawktlak in na um ve i a òhami sinah na òha ve.

²⁶A thiangmi sinah na thiang i asinain miòhalo cu na huat hna.

²⁷Mi toiah aa dormi cu na khamh hna i miruamkai cu na òhumh hna.

²⁸BAWIPA nih ceunak a ka pek, ka Pathian nih muihnak cu a ka dawipiak.

²⁹Ka ral hna doh khawhnak thazang a ka pek, an ralhau baoh khawhnak òhawnnak a ka pek.

³⁰Hi Pathian hi, zeitluk in dah a tuahmi kha a tlin i zeitluk in dah a bia kha i bochan awk an si! A huhphenhnak a kawlmi hna caah cun phaw bantuk a si.

³¹BAWIPA lawnglawng hi Pathian cu a si, Pathian lawnglawng hi kan ralhau cu a si,

³²Amah hi a kan òhawntertu Pathian cu a si, kan kalnak lam a himtertu cu a si.

³³Sazuk ke bantukin ka ke cu a khul a ranter i tlang cungah him tein a ka umter.

³⁴Raltuk a ka cawnpiak i cucaah a òhawng bikmi likuk hmanh kha ka hman khawh.

³⁵BAWIPA, nangmah nih na ka huhphenh i, na ka khamh; na ka zohkhenhnak nih mingan ah a ka ser i na dawtnak nih him tein a ka umter.

³⁶Nangmah nih na ka huhphenh caah an ka tlai kho lo i a tluk zong ka tlu bal lo.

³⁷Ka ral cu ka dawi hna i ka tlaih hna, Ka tei hna hlantiang ka ngol hna lo,

³⁸Ka tuk hna i an tho kho ti lo, ka kehram ah an ril ko.

³⁹Raltuknak hmun caah thazang na ka pek i ka ral hna teinak ah òhawnnak na ka pek.

⁴⁰Ka ral hna cu keimah hnulei chit in na zamter hna i a ka huatu cu ka hrawh hna.

⁴¹Bawmhnak hal in an ai, sihmanhsehlaw ahohmanh nih an khamh kho hna lo; BAWIPA kha an auh, sihmanhsehlaw a let hna lo.

⁴²Dip cikcek in ka rial hna i thli nih a choihmi leidip bantuk ah an cang, lam i leicet bantukin ka lamh hna.

⁴³Ral thawh hmangmi miphun chungin na ka khamh i miphun hna uktu ah na ka ser: ka hngalh bal lomi kha ka kut tangah an um.

⁴⁴Ka bia an theih tikah ka nawl an ka zulh, ramdangmi kha ka hmaiah an kun.

⁴⁵An hnabei a dong i an ralhau chung khan ther lengmang in an ra.

⁴⁶BAWIPA cu a nungmi Pathian a si, ka khamhnak lungpi cu thangòhat ko u! Pathian cu ka khamhtu a si, a lianhngannak kha thanh tuah u!

⁴⁷ka ral hna teinak kha a ka pek i miphun tampi kha ka kut tangah a chiah hna:

⁴⁸Ka ral hna kut chungin a ka khamh. BAWIPA, nangmah nih ka ral hna teinak cu na ka pek i mipuarhrang mi hna kut chungin na ka huhphenh.

⁴⁹Cucaah miphun kip sinah nangmah cu kan thangòhat lai i na thangòhatnak cu hla in ka sak lai.

⁵⁰Pathian nih a siangpahrang cu teinak nganpi a ka pek; a fekmi a dawtnak kha a thimmi keimah David le Ka tefa hna cungah zungzal in a langhter. Revised: 18 Dec.1997, Sui Mawng. Revised: 16 May 2002, Chinchin. Double checked: Saya Khen Cham & Sui Mawng, 17 Feb 2003 Typesetting checked: 13 Nov 2004 Typesetting tripple checked: D