Read Hakha Chin SALM 19 Bible Online

SALM 19 - Hakha Chin bible

SALM 19

¹Van nih khin Pathian sunparnak a langhter i a tuahmi thil kha a kan hmuhsak.

²Chun nih a hun changtu chun sinah khan a chim i zan zong nih a hun changtu zan sinah khan a nolh ve.

³Bia siseh holh siseh an hmang lo, aw thawng zong zeihmanh theih a um lo;

⁴asinain an aw cu vawlei khuazakip ah a thang i an bia cu vanhramdeng a phan. BAWIPA nih ni cu van ah khin thlam a sakpiak i

⁵nupi òhi tlangval a inn in a hung chuah bantuk khin a hung chuak, tlik aa zuammi tlik zuamnak i an hung chuah bantuk khin a hung chuak.

⁶Vanhramdeng khattelei khin aa thawk i khattelei ah a kal. A linhnak in aa thup khomi thil zeihmanh an um lo.

⁷BAWIPA phung cu a òhat a tling, nunnak thar petu a si. BAWIPA nawlbia cu bochan awk a tlak, fimnak a baumi fimnak petu a si.

⁸BAWIPA phunglam cu ahmaanmi an si, cu phunglam a zulmi cu an lung aa lawm. A nawlbia cu dinnak leiah a tlingmi an si i hngalhthiamnak lungthin pe khotu an si,

⁹BAWIPA biak cu a òha, cu biaknak cu zungzal in a hmun lai. BAWIPA biakhiahnak cu an ding, zungzal in ahmaanmi an si.

¹⁰Sui nakin duh deuh awk an si, sui thiang bik phun nak hmanh in duh deuh awk an si, Khuaihliti nakin an thlum deuh, khuaihliti thiang bik nakin an thlum deuh.

¹¹Na sal hi hngalhnak an ka pek i ka zulh hna caah laksawng ka hmu.

¹²Ahohmanh amah sualnak aa hmu khomi an um lo; a thli tein ka tuahmi ka sualnak chungin ka thianh tuah.

¹³Lenglang sualnak chung zongah ka luh nakhnga lo ka kham law cu sualnak cu keimah uktu siter hna hlah; cu tikah òhatnak leiah mitling ka si lai i sualnak òihnung chungin ka luat lai.

¹⁴Ka kaa chung bia hna le ka lung chung ruahnak hna cu, nangmah cohlan awk tlak si ko hna seh, maw BAWIPA, ka lungpi le ka tlantu. Revised: 18 Dec.1997, Sui Mawng. Double checked: Saya Khen Cham & Sui Mawng, 17 Feb 2003 Typesetting checked: 13 Nov 2004