Read Hakha Chin SALM 24 Bible Online

SALM 24 - Hakha Chin bible

SALM 24

¹Vawlei le a chung i a ummi thil vialte hi BAWIPA ta an si, vawlei le a cung i a ummi minung vialte zong hi amah ta kan si dih.

²Rili cungah vawlei cu a dirter i a hram cu rili thuk chungah khan a bunh.

³BAWIPA tlang ah ahodah a kai kho lai? A biakinn thiang chungah ahodah a lut kho lai?

⁴Tuahnak le lungthin in a thiang i siasal kha a bia lo i hlennak biakam a tuah lomi kha an kai kho lai i an lut kho lai.

⁵BAWIPA nih thluachuah a pek hna lai i annih a khamhtu hna Pathian nih, nan sual lo, a ti hna lai.

⁶Cu bantuk mi cu Pathian sin i a ra khomi an si, Jakob Pathian hmaika i a chuak khomi an si. Selah

⁷Kutka hna, kau piin i hung u, zungzal in a ummi innka hna, kau piin i hung u; a liannganmi siangpahrang cu a lut lai.

⁸A liannganmi siangpahrang cu ahodah a si? A liannganmi siangpahrang cu a òhawng i a lian a nganmi, raltuknak hmun in teitu a simi BAWIPA kha a si.

⁹Kutka hna kau piin i hung u, zungzal hmunmi innka hna, kau piin i hung u; a liannganmi siangpahrang cu a lut lai.

¹⁰A liannganmi siangpahrang cu ahodah a si? Amah cu ralkapbu BAWIPA, a liannganmi siangpahrang kha a si! Selah a si! Selah