Read Hakha Chin SALM 26 Bible Online

SALM 26 - Hakha Chin bible

SALM 26

¹BAWIPA, nangmah kha ka lung a dih-umnak in kan bochan i a dingmi thil kha ka tuah caah, misual lo ka sinak kha ka thanhpiak tuah.

²Ka hneksak law ka hlathlai cikcek tuah, Maw BAWIPA, ka lung duhnak le ruahnak hi zoh tuah hna.

³A fekmi na dawtnak nih lam a ka hmuhsak i zumhawktlak na sinak nih a ka hruai zungzal.

⁴Hlen hmangmi kha ka kom hna lo i mihrokhrawl zong kha ka kom hna lo.

⁵Miòhalo bu kha ka huat hna i òhat lonak a tuahmi kha ka hrial hna.

⁶Maw BAWIPA, ka sual lo langhnak caah ka kha kaa òawl i nangmah biak awkah na biakòheng velchum ah kaa chawk.

⁷Lunglawmhnak hla kha ka sa i khuaruahhar thil na tuahmi vialte kha ka chim hna.

⁸BAWIPA, na umnak inn kha ka tlaihchan i na sunparnak a umnak hmun kha ka duh.

⁹Misual hna sinah ka thah chih hlah, lainawngmi hna sinah ka hlonh chih hlah §

¹⁰annih cu òhat lonak kha zungzal in a tuah i nawhthuh pek aa tim zungzalmi an si.

¹¹Kei tu cu ahmaanmi thil kha ka tuah; ka zaangfah law ka khamh tuah.

¹²Him tein hmun rawn ah ka dir i zapi pumhnak ah BAWIPA cu ka thangòhat!