Read Hakha Chin SALM 27 Bible Online

SALM 27 - Hakha Chin bible

SALM 27

¹BAWIPA cu ka ceunak le ka khamhnak a si; ahohmanh ka òih hna lai lo. BAWIPA cu a ka hupphengtu ralhruang a si, ka thin a phang lai lo.

²Miòhalo nih an ka doh i thah an ka zalh tikah, an ril tawn i an tlu tawn.

³Ralkapbu nganpi nih ka kulh hna hmanh seh law ka thin a phang lai lo; ka ral nih ka doh hna hmanh seh law Pathian cu kaa bochan òhiamòhiam ko lai.

⁴BAWIPA cu thil pakhat ka hal, ka duhmi thil cu pakhat lawnglawng a si ko; cucu ka nun chung vialte BAWIPA inn chung i um le a òhatnak kha khuaruahhar in zoh le amah kha lam ka hruai tuah tiin hal cu a si.

⁵Harnak caan ah him tein a thla tangah a ka dorter; a biakinn chungah him tein a ka chiah i a sangmi lungpi cungah a ka chuan.

⁶Cucaah ka velchum i a ummi ka ral cu ka tei hna lai. Lunglawmhnak au thawng he a biakinn chungah ka raithawinak cu ka pekchanh lai; hla ka sa lai i BAWIPA cu ka thangòhat lai!

⁷BAWIPA, nangmah kan auh tikah ka bia ka theihpiak tuah, ka zaangfah law kan halnak cu ka let tuah.

⁸“Ka sinah ra tuah,” tiah na ti. BAWIPA, na sinah ka ra lai;

⁹keimah cu ka thuhtak sawh hlah. Ka cungah na thinhung hlah, na sal hi ka òhawl sawh hlah. Maw Pathian, ka Khamhtu, nangmah cu a ka bawmtu na si, ka kaltak hlah, ka chia ta sawh hlah.

¹⁰Ka nu le ka pa hmanh nih khin hei ka hlaw hna seh law, BAWIPA nih cun a ka zohkhenh òhiamòhiam ko lai.

¹¹Maw BAWIPA, ka ral an um caah hin, a himmi lam in ka kalpi law na duhnak kha ka cawnpiak ko.

¹²Lih le hro in a ka tlerh lengmangmi ka ral hna lakah hin ka chia ta hlah.

¹³A mi hna cung i BAWIPA a òhatnak hi ka hmuh hrimhrim lai tiah ka zumh ko.

¹⁴BAWIPA cu i bochan u! Zumhnak ngei u, nan lung dong hlah u! BAWIPA cu i bochan ko u!