Read Hakha Chin SALM 30 Bible Online

SALM 30 - Hakha Chin bible

SALM 30

¹Maw BAWIPA, nangmah nih na ka khamh i ka ral kha ka cungah diriam in na umter hna lo caah kan thangòhat.

²BAWIPA, ka Pathian, nangmah sinah bawmhnak hal in ka au i na ka damter.

³Mithikhua in na ka kirter òhan. Khor Thukpi chung i a vung kalmi hna sinah kaa tel ve nain, ka nunnak cu na ka pek òhan.

⁴Nannih a mithiang hna, BAWIPA cu thangòhat u; A Thiangmi Pathian nih a tuahmi kha philh hlah u law amah kha lawm u.

⁵A thinhun cu caan tawite chung lawng a si; a òhatnak tu nih cun chantlung a nguh. Zan ah mitthli tlaknak um hmanh seh law zinglei ah cun lawmhnak a ra òhan ve.

⁶Him tein ka um kha ka hngalh i “Ahohmanh nih an ka tei bal lai lo,” ka ti.

⁷BAWIPA, ka cungah na òha ko; tlang cungah a ummi ralhruang a him bantukin him tein na ka umter. Sihmanhsehlaw na ka thuhtak tikah òihnak in ka khat.

⁸BAWIPA, nangmah cu kan auh, a bawm ko sawh, tiah kan nawl.

⁹Ka thihnak cun zei òhatnak dah a chuak lai? Thlan i ka va kalnak cun zei miaknak dah a chuak lai? Mithi nih an in thangòhat khawh maw? A dong lomi na òhatnak cu an chim khawh maw?

¹⁰Maw BAWIPA, Ka bia cu ka theihpiak law ka zaangfah tuah! BAWIPA, ka bawm tuah!

¹¹Ka ngaihchiatnak cu lunglawmh lamnak ah na ka thlenpiak cang, ka mithi ngaihnak puan cu na ka lakpiak i lunglawmhnak puan kha na ka pek.

¹²Cucaah dai tein ka um lai lo; nangmah cu kan thangòhat ko lai. BAWIPA, nangmah cu ka Pathian na si, a zungzal in kan thangòhat lai.