Read Hakha Chin SALM 33 Bible Online

SALM 33 - Hakha Chin bible

SALM 33

¹Miding vialte hna, BAWIPA nih a tuahmi thil ruangah i lawm tuah u; amah a nawl a zulmi vialte hna, amah cu thangòhat tuah u.

²Tingtang in BAWIPA cu thangòhat tuah u, hri hra ngeimi tingtang in thangòhat u.

³Hla thar in thangòhat u, dawh ngaiin hri hra tingtang cu tum u law fak piin hla sa u.

⁴BAWIPA bia cu biatak an si, a òuanmi rian cu zumhawktlak an si dih.

⁵BAWIPA nih dinnak le òhatnak cu a duh; vawlei cu a fekmi a dawtnak in a khat.

⁶BAWIPA nih a nawlbia in van khi a ser hna, ni le thlapa le arfi khi a bia in a ser hna.

⁷Rili vialte kha hmunkhat ah a pumh hna; a thukmi rilipi cu thil khonnak inn chungah a khumh hna.

⁸Vawlei vialte, BAWIPA cu òih tuah; vawleicung mi vialte hna, BAWIPA cu òih tuah u.

⁹Bia a chim i vawlei cu a hung um, nawl a pek i zeizong vialte an hung chuak.

¹⁰Miphun dang nih tuah an i timhmi kha BAWIPA nih pakpalawng ah a canter i tling kho loin a umter hna.

¹¹Sihmanhsehlaw amah khuakhanmi cu zungzal in a hmun i amah timhmi cu zungzal in a fek.

¹²An Pathian ah BAWIPA a simi miphun cu lunglawmmi miphun an si, BAWIPA nih a mi ah a thimmi hna cu lunglawmmi an si.

¹³BAWIPA nih vancung khin a run kan zoh i minung vialte hi a kan hmuh dih.

¹⁴A uknak hmun khin a run kan zoh i vawleicung mi vialte hi a kan hmuh dih.

¹⁵Kan ruahnak vialte hi amah sermi an si dih i kan tuahmi vialte cu a hngalh dih.

¹⁶Siangpahrang nih a ral a tei hna cu ralkapbu òhawngmi a ngeih caah a si lo ralkap nih a ral a tei cu a thazang a òhawn caah a si lo.

¹⁷Ral teinak caah ral tuknak rang hi san an tlai lo. a nganmi an òhawnnak nih a khamh kho hna lo.

¹⁸BAWIPA nih amah a òihmi cu a zohkhenh hna i a fekmi a dawtnak aa bochanmi cu him tein a umter hna.

¹⁹Thihnak chungin a khamh hna i mangòam tlun caan ah a nunter hna.

²⁰BAWIPA cu kan i bochan, amah cu a kan bawmtu le kan phaw a si.

²¹Amah thawngin kan lung aa lawm i a min thiang cu kan i bochan.

²²Maw BAWIPA, nangmah cu kan in bochan caah, a fekmi na dawtnak cu kan sinah um ko seh. Revised by Soelinn 9-2-98. Revised: 19 Feb.1998, Sui Mawng. Double checked: Saya Khen Cham & Sui Mawng, 17 Feb 2003 Typesetting checked: 15 Nov 2004 Typesetting tr