Read Hakha Chin SALM 34 Bible Online

SALM 34 - Hakha Chin bible

SALM 34

¹[1] BAWIPA cu a zungzal in ka lawmh lai, amah thangòhat cu a ngol in ka ngol lai lo.

²A tuahmi thil ruangah khan ka thangòhat lai; hremnak a ingmi nih thei u law i lawm tuah u.

³BAWIPA lianhngannak cu chim òi u si law a min cu thangòhat ti u sih.

⁴BAWIPA sinah cun thla ka cam i a ka leh; ka òihmi thil vialte in a ka luatter.

⁵Hremnak a ingmi nih amah cu an zoh, zeitikhmanh ah a deuh hna lai lo.

⁶Santlai lomi nih amah cu an auh i a leh hna; an harnak chungin a khamh dih hna.

⁷BAWIPA a òihmi cu a vancungmi nih khan an zoh hna i òihnak chungin an luatter hna.

⁸BAWIPA hi zeitluk in dah a òhat ti kha nanmah tein va kawl cio hmanh u, amah chungah him tein a ummi cu a lung aa lawm.

⁹A mi vialte hna, BAWIPA cu òih tuah u, amah a òihmi nih cun an herhmi thil vialte kha an hmuh.

¹⁰Chiandeih hmanh hi rawl hmu loin an um tawn i rawlòam in an vak tawn, sihmanhsehlaw BAWIPA nawl a zulmi cu zeihmanh an baumi a um bal lo.

¹¹Ka hawile mino hna, ra u law, ka bia ngai tuah u; BAWIPA òihzah ning cu kan cawnpiak hna lai.

¹²Nun nuam tein nun le chan saupi le lunglawm in nun cu nan duh maw?

¹³Nan duh ahcun, bia òhalo chim kha i sum u, lih kha chim hlah u.

¹⁴Òhat lonak kha hrial u law òhatnak kha tuah u; daihnak kha duh u law nan hmuh khawh nakhnga fak piin i zuam u.

¹⁵A dingmi cu BAWIPA nih a zohkhenh hna i an aunak kha a theih;

¹⁶sihmanhsehlaw òhat lonak a tuahmi kha cu a ral hna i cucaah anmah mi lila hmanh nih khan an philh hna.

¹⁷Miding mi nih cun BAWIPA kha an auh i an bia kha a ngaihpiak hna, an harnak chungin a chuah hna.

¹⁸Lung a dongmi kha BAWIPA nih a umpi hna i ruahchannak a ngei lomi kha a khamh hna.

¹⁹Miòha nih harnak tampi a in tawn, sihmanhsehlaw harnak a inmi chung khan BAWIPA nih a khamh;

²⁰BAWIPA nih him tein a zohkhenh i a ruh pakhat hmanh a kiak lo.

²¹Miòhalo cu òhat lonak nih a thah hna lai, miding mi a huami hna cu dantatnak an ing lai.

²²BAWIPA nih a sal cu a khamh hna lai; amah tangah aa dormi cu him tein an um lai.