Read Hakha Chin SALM 36 Bible Online

SALM 36 - Hakha Chin bible

SALM 36

¹Sualnak nih miòhalo cu a lungchung thukpi ah bia a chimh i Pathian kha a hlawt i a òih lo.

²Amah le amah sang tuk i aa ruah caah cun Pathian nih ka sualnak kha a hmu lai lo i sual a ka phaw lai lo tiah a ruah.

³A kaa chuak bia cu bia òha lo le lih lawng an si i mifim si i thil òha tuah kha a ngol cang.

⁴Ihkhun cung i a zau lio hmanh ah thil òha lo lawng kha a tuak, a tuahmi kha thil òha a um lo i thil òha lo kha a hua hna lo.

⁵BAWIPA, a fekmi na dawtnak cu van a tawng i zumhawktlak na sinak cu van a phan.

⁶Na dinnak cu tlang nganpi bantukin a fek i na biakhiahnak cu rilipi bantukin a thuk. BAWIPA, nangmah nih minung le saram cu na zohkhenh hna.

⁷Maw Pathian, zeitluk in dah na dawtnak hi a sun! Na thla tangah mi nih dornak an hmuh.

⁸Na inn in a chuakmi rawl kha duhdim tein an ei i na òhatnak tiva chung khan ti na pek hna.

⁹Nang cu nunnak vialte hram na si; nangmah ceunak thawngin kannih nih ceunak kha kan hmuh.

¹⁰Nangmah an hngalmi kha daw zungzal ko hna law a dingmi cungah khan òhatnak tuah zungzal ko.

¹¹Miruamkai nih khan ka tu hna hlah seh, miòhalo nih khan ka zamter hna hlah seh.

¹²Miòhalo an rilhnak kha zohhmanh! Khika ah khin an ril, an tho kho ti lo.