Read Hakha Chin SALM 37 Bible Online

SALM 37 - Hakha Chin bible

SALM 37

¹Miòhalo hna ruangah awlokchong in um hlah, òhat lonak a tuahmi kha hngar hna hlah;

²a romi ramkung bantukin an lo lai i belhhring bantukin an uai lai.

³BAWIPA cu i bochan u law òhatnak kha tuah u; ram chungah hin um u law him tein khuasa u.

⁴BAWIPA kha i bochan u law nan lungthli tum kha an pek hna lai.

⁵Na nunnak kha BAWIPA pe tuah, amah kha i bochan law amah nih an bawmh lai.

⁶Na òhatnak kha ceunak bantukin a ceuter lai i na dinnak kha chunlai bantukin a ceuter lai.

⁷BAWIPA hmaiah cun dai tein um ko law zeidah a tuah lai ti kha lungsau in hngak ko; thil òhalo an i tinhmi a tuah kho lengmangmi hna le an rian òuannak ah a hlawh a tlingmi hna kong ah zei poi loin va um ko.

⁸Thinhung in um hlah u, hrut sual hlah u! Lung rethei in um hlah u! Cu nih cun zeihmanh an òhathnem hna lai lo.

⁹BAWIPA aa bochanmi cu him tein ram chungah hin an um ko lai; sihmanhsehlaw miòhalo cu òhawl an si lai.

¹⁰Luklak ah miòhalo cu an lo ko lai, na kawl hna hmanh ah na hmu kho hna lai lo.

¹¹Sihmanhsehlaw mi toiah aa dormi cu ram chungah hin him tein an um lai i daihnak kha tlamtling tein an hmuh lai.

¹²Miòhalo nih miòha hrawhnak ding khua kha a khan i a hacang a rialhnawh.

¹³Sihmanhsehlaw BAWIPA nih cun miòhalopa cu a nihsawh men ko, zeicahtiah luklak ah a rawh lai kha a hngalh.

¹⁴Miòhalo nih cun an nam kha an i zuh i an likuk kha an i hruai i sifak le retheimi kha thah le miòha mi nawn kha an duh;

¹⁵sihmanhsehlaw anmah nam lila nih an keng ah a chunh hna lai i an likuk cu an kiak dih lai.

¹⁶Miòha nih a ngeihmi thil tlawmte cu miòhalo nih a khonmi thil tampi nakin a òha deuh;

¹⁷zeicahtiah miòhalopa cu BAWIPA nih a thazang a chuh lai i miòha cu a huhphenh lai.

¹⁸BAWIPA nih a nawl a zulmi cu a zohkhenh hna i ram cu anmah ta a si zungzal lai.

¹⁹Caan òhalo a tlun tikah sifah an ing lai lo, mangòam a tlun tikah ei awk a za an ngei lai.

²⁰Sihmanhsehlaw miòhalo cu an thi lai; BAWIPA ral cu ramlak pangpar bantuk in an lo lai; meikhu bantukin an òian lai.

²¹Miòhalo nih cun thil a cawi hna tikah a cham òhan ti hna lo, sihmanhsehlaw miòha cu vel a ngei i nun a siang.

²²BAWIPA nih thluachuah a pekmi cu ram ram chungah hin him tein an um lai, sihmanhsehlaw chiat a serhmi cu òhawl an si lai.

²³Minung hi a kalnak ding lam a hmuhsaktu cu BAWIPA a si, Amah duhnak a tuahmi cu a huhphenh hna.

²⁴A tluk sual zongah a ril lan lo, zeicahtiah BAWIPA nih a kut in a thawh òhan.

²⁵Ka rak no i atu cu ka tar cang, asinain hi vialte chungah hin miòha cu BAWIPA nih a hlawt kha ka hmu bal lo i a fale zong rawl hal in an vah kha ka hmu bal lo.

²⁶Siang tein mi kha a pek zungzal hna i a coih zungzal hna, cun a fale kha thluachuahnak an si.

²⁷Òhat lonak kha mertak u law òhatnak kha tuah u; cun hi ram chungah hin nan um zungzal lai;

²⁸zeicahtiah a hmaanmi thil kha BAWIPA nih a duh i zumhtlak a simi a mi kha a kaltak bal hna lo. Annih cu a huhphenh zungzal hna, sihmanhsehlaw miòhalo mi hna an tefa cu òhawl an si lai.

²⁹A dingmi cu ram chungah him tein an um lai i ram cu zungzal in anmah ta a si lai.

³⁰Mifim nih cun fimnak bia an chim i ahmaanmi bia kha an ka in a chuak.

³¹A Pathian nawlbia kha a lung chungah aa chiah i zeitikhmanh ah a kaltak lo.

³²Miòhalo nih cun miòha kha aa ngiat aa ngiat i thah a zalh;

³³sihmanhsehlaw BAWIPA nih a ral kut chungah khan miòha cu a kaltak lo, tazacuai a si zongah khan sual phawtnak a phakter lo.

³⁴BAWIPA cu i bochan u law a nawl kha zul tuah u; ram kha co awkah thazang an pek hna lai i miòhalo cu pawnchuah an si kha nan hmuh lai.

³⁵Miòhalopa pakhat, mipuarhrang ngai a si i Lebanon sidar thingkung bantukin mi vialte a iap dih hna kha ka rak hmuh;

³⁶sihmanhsehlaw tlawmpal ah khin cuka ah cun ka va kal òhan i cu pa cu a rak um ti lo; ka kawl len nain ka hmu kho ti lo.

³⁷Miòha khi zohhmanh u, miding khi zohhmanh u; daihnak mi cu tefa an ngei;

³⁸sihmanhsehlaw misual cu hrawh an si dih, an tefa cu hloh an si.

³⁹BAWIPA nih miding cu a khamh hna i harnak caan ah a huhphenh hna.

⁴⁰A bawmh hna i a chuah hna; annih nih huhphenhnak hmuh awkah an fuh caah miòhalo hna kut chung khan a khamh hna.