Read Hakha Chin SALM 38 Bible Online

SALM 38 - Hakha Chin bible

SALM 38

¹BAWIPA, na thinhung hlah law, ka si hlah. Na thinhun in dan ka tat hlah.

²Dan cu na ka tat cang i na ka hrem cang; na ka tuk cikcek cang.

³Na thin a hun caah òhalo tein ka zaw; ka sual ruangah ka pum cu a dihlak in a zaw.

⁴Ka sualnak tilet chungah ka pil i ka sualnak cu an rih caah tangah an ka hnuh.

⁵Ka hruh caah ka hma cu a thu i a man.

⁶Ka keng zong a kul dih i ka ril ko; chun nitlak ngaihchia in ka um.

⁷Ka tak cu fak piin a lin i zual ngaiin ka zaw.

⁸Ka tha a dih cikcek i ka ril ko, lungrethei le sivang in ka hram.

⁹BAWIPA, ka duhmi cu na hngalh; ka hramnak vialte cu na theih dih.

¹⁰Ka lung a tor, ka tha a dih i ka mit a maw.

¹¹Ka hma le ka rung ruangah, ka hawi le ka innpa nih a naih hmanh an ka duh lo; ka chungkhat hmanh nih an ka hrial.

¹²Thah a ka duhmi nih rap an ka chiahhnawh i ka cungah fahnak tlunter a duhmi nih khan, kan in hloh cang lai, tiah an ka tlerh; keimah hrawhnak ding kha chun nitlak in an tim.

¹³Hnachet bantuk ka si i khua ka thei kho lo, holh aa bantuk ka si i ka holh kho lo;

¹⁴khua a theih lo ca i an chawnh tikah zeihmanh a let kho lomi hna bantuk ka si.

¹⁵BAWIPA, nangmah kha kan bochan; BAWIPA ka Pathian, nangmah nih na ka leh lai.

¹⁶Harnak ka in ruangah ka ral hna hi diriam in umter hna hlah, ka tluk hi an i porhlawtnak ah canter hlah.

¹⁷Ka tlu dengmang i ka nganfahnak nih hin a ka tlaih peng ko.

¹⁸Ka sualnak cu ka phuan hna. asinain lungrethei in ka um òhiamòhiam.

¹⁹Ka ral cu ngandam le thazang òhawng in an um òung; sullam um loin a ka huami an tam tuk.

²⁰Ahmaanmi thil kha tuah kaa zuam caah òhatnak cu chiatnak in a lehrulmi pawl nih khan an ka doh.

²¹BAWIPA, ka hlawt sawh hlah, ka Pathian, ka kaltak sawh hlah.

²²BAWIPA ka khamhtu, atu ah ka bawm ko!