Read Hakha Chin SALM 4 Bible Online

SALM 4 - Hakha Chin bible

SALM 4

¹Ka au tikah ka let tuah, maw Pathian a ka chanhtu, Harnak chung i ka um tikah nangmah nih na ka bawmh tawn. Atu zong ka zaangfah law ka thlacamnak hi ka theihpiak tuah.

²Nannih minung hna, zei can dah na ka serhsat lai? Zei can dah santlailo thil kha nan duh lai i lihbia kha nan dawi lai? Selah

³BAWIPA nih amah ta si awkah a ka thim i ka auh tikah a ka theih ti kha philh hlah u.

⁴Òihnak ngei u law nan sualnak kha ngol hna u; hi thil hi nanmah lawng tein nan inn khaan chungah thuk piin ruat tuah u. Selah

⁵BAWIPA cu a hmaanmi raithawinak kha pe u law amah cu i bochan tuah u.

⁶“Thluachuahnak hmu u si law kan hei duh hringhran dah,” a timi tampi an um. Maw BAWIPA, kan cungah zaangfahnak run ngei ko.

⁷Nangmah nih lawmhnak na ka pekmi cu, din awk zu tampi a ngeimi le ei awk rawl tampi a ngeimi hna an i lawmhnak nakin a ngan deuh.

⁸Hnangam tein ka it lai i kaa hngilh fawn lai, BAWIPA, nangmah lawnglawng nih him tein na ka umter. Revised: 16 Dec.1997, Sui Mawng. Double checked: Saya Khen Cham & Sui Mawng, 17 Feb 2003 Typesetting checked: 13 Nov 2004