Read Hakha Chin SALM 42 Bible Online

SALM 42 - Hakha Chin bible

SALM 42

¹Sazuk nih rial tidai a ngaih bantukin Maw Pathian nangmah cu kan ngai.

²Maw a nungmi Pathian, nangmah cu tihal in kan hal; zeitik ah dah na umnak ah ka hun khawh lai i kan biak khawh lai?

³Chun nitlak zan khuadei in ka òap i ka mitthli lawng kha ka rawl cu a si ko; ka ral nih, “Na Pathian cu khuazei ah dah a si kun?” tiah atu le atu an ka ti lengmang.

⁴Hlanlio kong kha ka ruah tikah ka lung a leng; Pathian inn i mi zapi he kan rak kal i kan kal tikah keimah i ka rak hrui hna i Pathian thangòhat in lunglawm le thanuam in hla kan rak sak i kan rak au kha ka ruah tikah ka lung a leng hringhran.

⁵Zeicahdah ka ngaih a chiat? Zeicahdah ka lungre a theih? Pathian cu kaa bochan òhan lai i ka Khamhtu le ka Pathian cu ka thangòhat òhan lai.

⁶Ka lungre a thei, cucaah cun amah cu ka hngalh òhan; kaa thuhnak Jordan tiva hrawn, Hermon Tlang le Mizar tlang pawngah amah cu ka hngalh òhan lai.

⁷Tithuk nih tithuk kha a chawnh; Pathian tisor cu a huk in an huk! Annih cu ka nunnak a leh chihtu ngaihchiatnak tilet an si.

⁸BAWIPA nih a dawtnak fek cu nifa kan sinah langhter ko seh! Amah cu zan fate in hla in thangòhat ning law ka nunnak a ka pe òhantu Pathian sinah cun thlacam ko ning.

⁹Pathian ka lungpi cu ka thawh i, “Zeicahdah na ka philh? Ka ral nih an ka hremnak hi zeicahdah ka in zungzal ko lai?

¹⁰An ka nihsawhnak nih a ka hrilh cang, annih nih, ‘Khuazei ah dah na Pathian cu a um kun?’ tiah an ka ti chih lengmang,” ka ti.

¹¹Zeicahdah ka ngaih a chiat? Zeicahdah ka lungre a theih? Pathian cu kaa bochan òhan lai i ka Khamhtu le ka Pathian cu ka thangòhat òhan lai.