Read Hakha Chin SALM 44 Bible Online

SALM 44 - Hakha Chin bible

SALM 44

¹Maw Pathian, hlan lio pi ah na rak tuah bantukin kan pupa hna chan ah thil lianngan na tuahmi kha kan hna hrimhrim in kan theih i kan pupa hna zong nih an kan chimh:

²Cu thil lianngan na tuahmi hna cu, zeitindah nangmah hrimhrim nih hi ram chung lawkihmi kha na dawi hna i an ram ah cun na mi kha nan umter hna ti le zeitindah phundang mi cu dan na tat hna i na mi tu cu na òhanchoter hna, ti hi a si.

³Hi ram cu na mi nih an nam in an teimi a si lo, anmah òhawnnak in an teimi zong a si lo; nangmah lianhngannak le òhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.

⁴Nangmah cu ka siangpahrang le ka Pathian na si; nangmah nih na mi cu teinak na pek hna.

⁵Na òhawnnak in kan ral cu kan tei hna; nangmah nih na kan umpinak thawngin kan ral cu kan tei hna.

⁶Keimah Khamhtu dingah ka li kha kaa bochan lo i ka thal zong kaa bochan lo

⁷sihmanhsehlaw nangmah nih kan ral hna sinin na kan khamh i a kan huatu kha na kan teipiak hna.

⁸Nangmah cu kan in thangòhat zungzal ko lai i kan in lawmh zungzal ko lai.

⁹Sihmanhsehlaw atu cu maw Pathian, na kan hlawt cang i kan ral nih khan an kan tei cang; kan ralkap hna kha na kalpi ti hna lo.

¹⁰Kan ral hna hmaiah na kan zamter i kan thil kha an i lak.

¹¹Tuu an thah hna bantukin an kan thah i ram dang ah na kan òhek dih.

¹²Na mi cu man tlawmte ah na kan zuar i cu na kan zuarnak ah cun na miakmi zeihmanh a um lo.

¹³Kan cung i na tuahmi kha kan innpa nih an hmuh i an kan nihsawh i capo ah an kan saih.

¹⁴Miphun hna lakah zahpi awk thil ah na kan ser; kanmah serhsatnak ah an lu kha an ka thinhnawh.

¹⁵Kan ral hna le a kan huatu hna nih an ka nihsawhnak le an ka zawmhtaihnak ka theihmi ruangah hin, hmaichia in ka um zungzal i ningzahnak nih a ka khuh zungzal.

¹⁷Kannih nih cun kan in philh lo na le kanmah he na sermi na biakamnak kha kan rawk lo nain. hi thil vialte hi kan cungah a tlung.

¹⁸Na sinah zumhawktlak loin kan um lo, Na nawl ngai loin kan um fawn lo.

¹⁹Asinain sahrang lakah na kan kaltak i a thuk bik muihnak chungah na kan chiahtak òhiamòhiam.

²⁰Kan Pathian kha biak kan in ngol i ramdang pathian sinah thla kan cam a si ahcun,

²¹nangmah nih na hmuh òheoòheo hnga, zeicahtiah minung lungthin chung biathli cu na hngalh dih.

²²Asinain thah kan si thluangthluan cu nangmah ruangah a si i thah awk tuu bantukin tuah kan si cu nangmah ruangah a si.

²³BAWIPA, i hlau tuah! Zeicahdah naa hngilh? Tho tuah, a zungzal in kan hlawt hlah.

²⁴Zeicahdah na kan thuhtak? Kan inmi temhnak le harnak kha philh hlah.

²⁵Vawlei ah na kan hrilh cang; leidip lakah kan ril ko.

²⁶Tho law kan bawm tuah! A fekmi na dawtnak ruangah kan khamh tuah!