Read Hakha Chin SALM 45 Bible Online

SALM 45 - Hakha Chin bible

SALM 45

¹Hi hla siangpahrang ka phuah ah hin, ka lungthin cu holh dawh in a khat; ka lei cu ca òial thiammi cafung bantuk a si.

²Pa vialte lakah pa dawh bik na si, bia chim a thiam ngaingaimi na si; Pathian nih zungzal in thluachuahnak an pek!

³A òhawngmi siangpahrang, na vainam kha i bei tuah; nang cu a òhawngmi le a liannganmi siangpahrang na si.

⁴Biatak le biading kha hmunhter awkah na tei tiang lianhngannak in hmailei ah kal tuah. Na òhawnnak nih teinak ngan pipi an hmuhpiak lai.

⁵Na thal cu an hriam i na ral cu an lung tiang a taih hna; miphun kip kha na hmaiah an tlu.

⁶Pathian nih an pekmi bawiòhutdan cu zungzal in a hmun lai! Na ram cu dinnak in na uk;

⁷a hmaanmi thil òha kha na duh i a òha lomi thil kha na huat. Cucaah cun Pathian, na Pathian nih khan a rak in thim i midang nakin tam deuh in lunglawmhnak kha an toih.

⁸Mura zihmui le aloes zihmui le kassia zihmui in na puan cu na namter hna i vui ho in sakmi siangpahrang inn ah khan hla dawh tum thiam nih an in conglawmh.

⁹Na inn i a ummi bawinu hna lakah khan siangpahrang fanu zong an um, cun na bawiòhutdan orhlei kamah khan siangpahrang bawinu cu a dir, sui òha bik in sermi hlawn in aa òamh.

¹⁰Siangpahrang bawipa i a ngaknu, ka chimmi hi ngai tuah § na mi le na rualchan kha philh ta hna.

¹¹Naa dawh caah siangpahrang nih an duh lai, amah cu na bawi a si, a nawl kha va ngai tuah.

¹²Tair mi nih laksawng an in put lai, mirum nih na lung tluanter an i zuam lai.

¹³Siangpahrang fanu cu siangpahrang inn chungah cun a um § a vaa dawh hringhran dah, A puan cu sui la in an tah.

¹⁴A puan dawh ngaimi he cun siangpahrang sinah khan an hei kalpi, a mawle nih khan an zulh i anmah zong cu siangpahrang sin tiang an kal ve.

¹⁵Lunglawm le thanuam in an ra i siangpahrang bawipa inn ah cun an lut.

¹⁶Ka siangpahrang bawipa, nangmah nih fapa tampi na ngeih hna lai i na pupa hna cu an hmun an rolh hna lai; nangmah nih vawlei dihlak uktu ah khan na ser hna lai.

¹⁷Na minthannak cu ka hla nih a nunter zungzal lai i mi kip nih zungzal thluangthluan in an in thangòhat lai. Revised by Soelinn 9-2-98 Revised: 20 Feb.1998, Sui Mawng Double checked: Saya Khen Cham & Sui Mawng, 18 Feb 2003 Typesetting checked: 15 Nov 2004 Typesetting tripple checked: Dec. 1 st, 2004. t, 2004.