Read Hakha Chin SALM 5 Bible Online

SALM 5 - Hakha Chin bible

SALM 5

¹Maw BAWIPA, ka bia hi ka ngaihpiak hna law ka aihramnak hi ka theihpiak tuah hna.

²Ka Siangpahrang le ka Pathian, ka thlacamnak hi ka ngaihpiak tuah. BAWIPA nangmah sinah thla ka cam lai;

³Zinglei ah ka aw kha na ka theihpiak: nichuak kate ah na sinah thla ka cam tawn i na ka lehnak kha ka hngah tawn.

⁴Nang cu òhat lonak tuahnak ah aa lawmmi Pathian na si lo i na hmaika ah òhat lonak umter kha na duh lo.

⁵Miporhlaw cu na ing kho hna lo i miòhalo cu na huat hna.

⁶Lihchim mi cu na hrawh dih hna i mipuarhrang le mihlenhmang cu na nautat hna.

⁷Sihmanhsehlaw kei cu na dawtnak a nganmi thawngin na inn chungah ka ra lut kho; a thiangmi na biakinn chungah nangmah kan bia kho i na hmaiah ka kun kho.

⁸BAWIPA, ral tampi ka ngei, na duhnak tuah awkah ka hruai law na lam cu ka zulh khawh nakhnga ka hmaiah na lam cu pheiter ko.

⁹Ka ral nih an chimmi bia cu zeitikhmanh ah zumh khawhmi bia an si lo, Zeicahtiah annih cu mi hrawh lawnglawng kha an duh; an kaa cu chilh lomi thlan bantuk a si i an bia cu hlennak bia le nal bia lawnglawng an si.

¹⁰Maw Pathian, annih cu sual phaw hna law dantat hna, an i timhmi thil òhalo cu tlinter hlah. An sualnak a tam ca le nangmah an in doh caah annih cu na hmaika in òhawl hna.

¹¹Nangmah ah himnak a hmumi cu an i lawm lai i lawmhnak in hla an sa zungzal lai. Nangmah an dawmi cu na huhphenh hna, nangmah thawngin lawmhnak taktak an hmu.

¹²BAWIPA, na nawl a ngaimi cu thluachuah na pek hna, na zaangfahnak nih phaw bantukin a huhphenh hna. Revised: 16 Dec.1997, Sui Mawng. Revised: 16 May.2002, Chinchin. Double checked: Saya Khen Cham & Sui Mawng, 17 Feb 2003 Typesetting checked: 13 Nov 2004 Nov 2004