Read Hakha Chin SALM 55 Bible Online

SALM 55 - Hakha Chin bible

SALM 55

¹Maw Pathian, ka thlacamnak cu ka ngaihpiak law kan nawlnak cu ka hlonhpiak hlah.

²Ka bia kha ka ngaihpiak law ka let tuah; lungrethei in ka baa tuk hringhran cang.

³Ka ral nih an ka tlerhnak le miòhalo nih an ka hremnak nih ka lungre an ka theihter. Ka cungah harnak an tlunter; ka cungah an thin a hung i an ka huat.

⁴Ka lung cu òihnak in a khat, an ka thah sual lai ti kha ka phang tuk.

⁵Ka òih tuk ah a ther in ka ther i ka luthlung in ka kechik tiang ka ther dih.

⁶“Òhuro bangin thla cu ngei ning law ka zuang hnga i ka vaa din hnga!

⁷Lamhlapi ah khin ka zuang hnga i ramlak ah inn ka vaa sak hnga.

⁸Thlichia le ruahpi chung hin dornak hmun kha khulrang in ka hmuh ko hnga,” ka ti.

⁹BAWIPA, annih cu hrawk hna law an biachimmi cu tuainak ah canter; khuapi chungah ka hmuhmi thil cu zaang-ennak le i tuainak a si.

¹⁰Chunzan in khuapi cu a kulhnak hau cungin an chawhhnawh lengmang; harnak le thil òhalo tuahnak in a khat.

¹¹A kenkip ah rawhnak a um, a chung lam hna cu pakhat le pakhat i hremnak le hlennak in a khat.

¹²A ka nihsawhtu hi ka ral si seh law cu, ka in khawh ko hnga, ka cung i tluang a khawng lentu hi a ka dohtu kha si seh law cu, a ka hmuh khawh lonak hmun ah ka thuhtak diam ko hnga;

¹³sihmanhsehlaw hi bantukin ka cungah rian a òuantu cu ka hawi, ka rianòuan hawi le keimah he aa naih ngaimi ka hawikom na si tikah hin a fak tuk hringhran in ka thei.

¹⁴Pakhat le pakhat bia òhaòha kha kan rak i ruah i hawi zapi he hmunkhat ah biakinn ah kan rak kal òi tawn.

¹⁵Ka ral hna cungah cun thihnak kha khulrang in tlung seh law mithi khua ah khan a nung in vung kal hna seh. An inn chung le an lung chungah òhat lonak a um.

¹⁶Sihmanhsehlaw BAWIPA Pathian cu ka bawm tuah tiah ka auh i a ka khamh lai.

¹⁷Ka ainak le ka hramnak cu zing siseh, chun ah siseh, zan ah siseh, amah sinah an kai zungzal ko i ka aw cu a ka theihpiak òheo lai.

¹⁸Ka ral tampi hna he kan i tuknak hmun in him tein a ka kirpi òhan ko lai.

¹⁹Zungzal in uktu a simi Pathian nih ka bia cu a ka theihpiak lai i annih cu a sunghter hna lai; annih nih amah cu an òih lo caah an tuah khawhmi zeihmanh a um lai lo.

²⁰Hlanlio ka hawi nih khan a hawi lila cu a tuk hna; a biakam cu a zul lo.

²¹A chimmi bia cu thawhpat nakin a nal deuh sihmanhsehlaw a lung chungah cun huatnak a um; a bia cu chiti bantukin a nem, sihmanhsehlaw nam bantukin mi a chun.

²²Na thilri cu BAWIPA sinah òhum ta law amah nih an bawmh lai; miòha cu zeitikhmanh ah a sunghter bal lai lo.

²³Sihmanhsehlaw BAWIPA, nangmah nih lainawng mi hna le lihchim mi hna cu vawlei tang khor thukpi ah khin an chan òim hlanah na thlak hna lai. Kei tu nih cun nangmah kha kan bochan lai.