Read Hakha Chin SALM 56 Bible Online

SALM 56 - Hakha Chin bible

SALM 56

¹[5] Ka ral nih an ka hrem thluangthluan i an ka cil lengmang caah hin Maw Pathian, ka zaangfah ko sawh.

²A ka dohtu nih hin chun nitlak in an ka hrem i annih hi an tam hringhran ko.

³Ka thin a phan tikah, Maw Cungnung Bik, nangmah cu kan bochan.

⁴Pathian cu kaa bochan i a biakam cu ka thangòhat; amah cu kaa bochan i ka thin a phang lo. Minung menmen nih cun zeidah an ka ti khawh lai?

⁵Ka ral nih cun ka tuahmi thil kip ah harnak an ka pek, zeitindah a cungah fahnak kan tlunter khawh lai ti kha an ruat zungzal.

⁶Mi hmuh lonak hmun ah khan an i thup i ka tuahmi paohpaoh kha an ka ngiat dih, zeitindah kan thah khawh lai ti kha an i ruahchih.

⁷An òhat lo ruangah cun, Maw Pathian, dantat ko hna; hi mi hna hi na thinhun in raltuknak ah cun, sunghter ko hna.

⁸Zeitluk in dah harnak ka in kha na hngalh; ka mitthli cu na thawl chungah na rawn hna, na cauk chungah na òial hna a si lo mei?

⁹Nangmah kan auh ni ah ka ral cu an kir lai, mah hi fiang tein ka hngalh § Pathian cu keimah leiah a um.

¹⁰Pathian cu kaa bochan i a biakam cu ka thangòhat, BAWIPA biakamnak cu ka thangòhat lai.

¹¹Amah cu kaa bochan i ka thin a phang lo, minung menmen nih cun zeidah an ka ti khawh lai?

¹²Pathian, na sinah ka rak i kammi kha kan pek lai, thangòhat thawinak cu kan pek lai,

¹³zeicahtiah nangmah nih thihnak chungin na ka chuah i ka ke kha rilhnak chungin na khamh. Cucaah Pathian hmaika ah cun kaa chawk i minung cungah a ceumi a ceunak chungah cun ka um.