Read Hakha Chin SALM 57 Bible Online

SALM 57 - Hakha Chin bible

SALM 57

¹[6] Ka zaangfah ko, Maw Pathian, ka zaangfah ko, himnak hmuh duh ah nangmah cu ka fuh. Thlichia òihnung a dih hlantiang, na thlazung in ka huppheng ko.

²Cung Nung Bik Pathian cu ka auh, ka herhnak vialte a ka petu Pathian cu ka kawh.

³Vancung khin a run ka leh lai i a ka khamh lai; a ka dohtu kha a sunghter hna lai. Pathian nih cun a fekmi a dawtnak le zumhawktlak a sinak kha ka cungah a langhter lai.

⁴Mi seh hmang chiandeih hna lakah ka it, an ha cu fei le thal bantuk an si, an lei cu kawngthun har bantuk an si.

⁵Maw Pathian, na lianhngannak cu van ah khin langhter law na sunparnak cu vawlei cung dihlak ah hin langhter ko.

⁶Ka ral nih keimah foihnak ah sur rap an chiah, lungretheihnak nih a ka tei; ka kalnak lam ah khor an cawh, sihmanhsehlaw anmah tu an tla.

⁷Ka lung a hmun ko, maw Pathian, ka lung a fek ko; nangmah thangòhatnak hla ka sa lai.

⁸Ka nunnak, i hlau tuah, ka tingtang le ka thonglawi hna, i hlau tuah u. Zinglei cu ka òhangh lai.

⁹Maw BAWIPA, miphun hna lakah kan lawmh lai, mi vialte hna lakah kan thangòhat lai.

¹⁰A fekmi na dawtnak cu vancung tiang a phan, zumhawktlak na sinak cu van a tawng.

¹¹Maw Pathian, na lianhngannak cu van ah khin langhter law na sunparnak cu vawleicung dihlak ah hin langhter ko.