Read Hakha Chin SALM 58 Bible Online

SALM 58 - Hakha Chin bible

SALM 58

¹Nannih uktu bawi hna, bia nan ceih tikah ding tein nan ceih taktak maw? Mi vialte kha aa ruang tein nan ceih hna maw?

²Nan ceih hna lo. Òhat lonak tuah nan duhmi lawng kha nan ruat i ram chungah khan mithahnak le lainawnnak nan umter.

³Miòhalo cu an chan chung vialte palhnak a tuahmi an si, an chuah ni in lihchim an i thawk.

⁴Rul bantukin sivai an ngei, rawchok hnachet bantuk an si, zeihmanh an thei lo,

⁵rawchok hnachet nih cun rul camhthiam aw kha a thei kho lo.

⁶Maw Pathian, an ha cu khiak dih hna, Maw BAWIPA, hi òihnung chiandeih hna hi an ho phawi dih hna!

⁷Tlang pang i a luangmi ti a loh bantukin lo hna seh, lam i lamh chihmi belh bantukin lo hna seh.

⁸Nawncek chungah a lo ralmi cengkeuh bantuk si hna seh, ni a hmu bal lomi fa rawk bantuk si hna seh.

⁹An hngalh manh hlanah Pathian nih burbuk sam in a sam hna lai, an nun ko lioah Pathian nih a thinhun in thli choih in a choih hna lai.

¹⁰Misual mi nih dantatnak an hmuh kha miding mi nih an hmuh tikah an i lawm lai, miòhalo mi hna thi cu ti tan bantukin an tan lai.

¹¹Mi nih an i thawh lai i, “Miding mi cu laksawng an hmu taktak ko; vawleicung ah hin Dingthlu Lairel Pathian a um taktak ko,” an ti lai.